Қазақстан мен МАГАТЭ төмен активті уран орналастыру мәселесін бірлесіп талқылайды. Бұл туралы бүгін елордада өтіп жатқан «Ядросыз әлем үшін» халықаралық форумы аясында ұйымдастырылған баспасөз мәслихатында МАГАТЭ-нің Бас директоры Юкия Амано мәлім етті.
 

«Қазақстан мен МАГАТЭ өте жақсы қарым-қатынаста. Біз бірлесіп төмен активті уран мәселесі бойынша қарым-қатынас орнатуды талқылаймыз, Қазақстанда қажетті қуаттылық құрамыз», - деді ол.
 

Сонымен қатар МАГАТЭ төмен байытылған уранды қабылдайтын елдің қандай болуы керектігін де елімізбен бірлесіп айқындайтындығын баса айтқан Ю.Амано: «Біз сол елмен келісімшарт жасасып, төмен байытылған уранды сатып алып, сақтауымыз қажет. Бұл - жылдам үдеріс емес. Екі-үш ай қажет етіледі. МАГАТЭ алғаш рет төмен байтылған уран банкін құруда және біз бұл жұмысты тыңғылықты атқаруымыз керек», - деді.