Бүгін Катко компаниясы Созақ ауданының орталығы Шолаққорған кентінде жаңа мектеп үйін ашты. Соған орай ұйымдастырылған салтанатқа компания құрылтайшылары (АРЕВА және Қазатомөнеркәсіп), аудандық әкімдік, қоғамдық ұйымдар өкілдері және компания басшылары қатысты.

 

Асқар Сүлейменов атындағы жаңа мектептің құрылысын түгелдей осы өңірде уран өндіретін «КАТКО» қазақстан-француз бірлескен компаниясы қаржыландырды. Жаңа ғимарат 1953 жылы салынған ескі мектеп үйін толығымен алмастыра алады.

 

Заманауи білім ордасында бастауыш және жоғарғы сыныптарда оқитын 200 шақты оқушының сапалы білім алуына барлық жағдай жасалған. Мектептің үш блогының бірі тұтастай спорт залы, акт залы және асханадан тұрады.

 

Жобада қарастырылғандай, оқу ғимараты физика, химия және биология пәндері бойынша мемлекеттік оқу бағдарламасы талаптарына сай білім беруге үшін қажет болатын барлық құрал-жабдықтармен қамтамасыз етілген. Мектепте шет тілдерді үйрену үшін лингафон, компьютерлік оқу, сондай-ақ электр плитасы, тігін машинасы, токарлық, фрезерлік станоктар орнатылған дәстүрлі үй шаруасына және еңбекке баулитын сыныптар қарастырылған. Ал бастауыш сыныптар блогында мектепке дейінгі дайындық тобындағылар үшін төсек орындары мен ойын автоматтары бар арнайы сынып бөлмелері ұйымдастырылған. Сонымен қатар мектепте дәрі егу және тіс дәрігері, сондай-ақ психолог кабинеттері де жұмыс істейтін болады.

 

Мектептің ашылу салтанатында сөз алған «КАТКО» БК» ЖШС Бас директоры Конрад Шауэр: - «КАТКО компаниясы Оңтүстік Қазақстан облысының Созақ ауданындағы ірі жұмыс берушілердің бірі ретінде осы жаңа мектеп үйін қаржыландыру арқылы Қазақстандағы білім беру саласының материалдық базасын нығайту жөніндегі мемлекеттік бағдарламаны іске асыруға өз үлесін қосқанына қуанышты» - деді.