КАТКО

«КАТКО» Қазақстан-Франция біріккен кәсіпорны» ЖШС 1996 жылы құрылған.

Біріккен кәсіпорынның құрылтайшылары АРЕВА тобы 51% (Франция) және «Қазатомөнеркәсіп» Ұлттық атом компаниясы 49% (Қазақстан).

«КАТКО» БК негізгі қызмет бағыттары:
  1. Геологиялық барлау жұмыстарын жүргізу;
  2. Құрамында ураны бар кендерді өндіру және қайта өңдеу бойынша қуаттарды жобалау және құру, сондай-ақ сол қуаттарды кен орындарында, атап айтқанда, Қазақстан Республикасы, Оңтүстік Қазақстан облысындағы Мойынқұм кен орнында қолдану.
«КАТКО» БК Мойынқұм кен орнының №1 Оңтүстік учаскесінің солтүстік бөлігінде және №2 Төртқұдық учаскесінде жерасты ұңғымалы шаймалау әдісімен уран өндіреді.
 
 «КАТКО» БК дамуының басты кезеңдері:
  • 1999 жылы «КАТКО» БК Мойынқұм кен орнының №1 Оңтүстік учаскесінің солтүстік бөлігінде уран өндіруге және №2 Төртқұдық учаскесінде уран барлау мен өндіруге лицензия алды.
  • 2000 жылы Мойынқұм кен орнының №1 Оңтүстік учаскесінде уран өндіру, №2 Төртқұдық учаскесінде уран барлау мен өндіру бойынша жұмыстарды жүргізу жөніндегі келісімге қол қойылды.
  • «КАТКО» БК 2001 жылы №1 Оңтүстік учаскесінде жерасты ұңғымалы шаймалау бойынша тәжірибелік жұмыстарды және №2 Төртқұдық учаскесінде барлау жұмыстарын бастады.
  • 2003 жылы өнеркәсіптік өңдеу жобасының техникалық-экономикалық негіздемесі бекітілді.
  • 2004 жылы №1 Оңтүстік учаскесінде өнеркәсіптік зауыт іргетасының алғашқы бетоны құйылды. Сол жылдың өзінде Мойынқұм кен орнындағы №1 Оңтүстік учаскесінде бұрғылау жұмыстары (өнеркәсіптік өңдеу) қолға алынды.
  •  2005 жылы №3 Орталық учаскесінің солтүстік бөлігі есебінен келісімдегі аумақ көлемі ұлғайтылды, сонымен қатар келісімнің әрекет ету мерзімі 03.03.2039 жылға дейін ұзартылып, №2 Төртқұдық учаскесінде вахталық лагерьдің құрылысы басталды.
  • 2006 жылы №1 Оңтүстік учаскесінде өндірістік қуаты жылына 500-1000 тонна уранға тең жерасты ұңғымалы шаймалау кеніші пайдалануға тапсырылды.
  • №2 Төртқұдық учаскесіндегі өндірістік қуаты жылына 2000 тонна уранға тең жерасты ұңғымалы шаймалау кеніші 2007 жылы іске қосылды.
  • 2008 жылы АРЕВА мен Қазатомөнеркәсіп «КАТКО» компаниясында уран өндіруді жылына 4000 тоннаға жеткізу және әлеуметтік саланы қаржыландыруды ұлғайту жөніндегі келісімге қол қойды.
 
2008 жылы қызметкерлердің орташа саны 1060 адамды құрады.
 
«КАТКО» БК бас директоры - Артюр де Фотеро.
 
AREVA

АРЕВА - француздың индустриальды-өнеркәсіптік тобы, акцияларының басым бөлігі (шамамен 80%) үкіметтік ұйым болып табылатын CEA-ға (Францияның Атом Энергиясы жөніндегі комиссиясы) еншісінде. AREVA 2001 жылғы 3 қыркүйекте COGEMA мен FRAMATONE компанияларының қосылуы негізінде құрылған..

AREVA атом энергиясы саласындағы ірі көшбасшы саналады. Бүгінде AREVA тобы тігінен интеграцияланған компания ретінде ядролық өндірістің толық циклын қамтиды:

уран өндіру және қайта өңдеу;
уран байыту және отын өндірісі;
ядролық реакторлар құрылысы және оларға қызмет көрсету;
пайдаланылған отынды қайта өңдеу.

AREVA сондай-ақ электр энергиясын жеткізу және қайта бөлу (әлемде үшінші орында), карбон диоксиды эмиссиясынан босаған (парникті газ) балама қуат көздерінен электр өндіру саласына да мамандануда.

AREVA көздеген мақсат – экологиялық таза, қауіпсіз және экономикалық тиімді энергияны баршаға қолжетімді ету.

Байланыс үшін ақпарат:
Қазақстан Республикасы,
050000, Алматы қ.
Абылай хан даңғылы,141
Тел. +7 727 244 52 52
Факс: +7 727 258-26 29

e-mail: almaty@katcokaz.com