| (AIX)    KZT 18150   %   -0.25 USD 40.57   %   1.76

Халықаралық футзал турнирінде қазақстандық атомшылар күміс жүлдеге ие болды

3 қазан 2018
Халықаралық футзал турнирінде қазақстандық атомшылар күміс жүлдеге ие болды

Астанада атом өнеркәсібі кәсіпорындарының қызметкерлері арасында футзалдан XV Халықаралық турнир болып өтті. Астананың 20 жылдығы мен атом саласы қызметкерлерінің кәсіби мерекесіне орайластырылған жарысқа Қазақстан («Қазатомөнеркәсіп» ҰАК» АҚ), Венгрия («Пакш» АЭС – «MVM PAKS NPP»), Ресей (Ленинград АЭС – «АНО Атом спорт») және Қырғызстанның (Қарабалта тау-кен комбинаты) командалары қатысты.

Кездесулер шеңбер жүйесінде өткізілді. Турнир қорытындысы бойынша чемпиондық кубок пен алтын медальды ресейлік команда иелеп, Қазақстанның ұлттық атом компаниясының футболшылары күміс жүлдеге қол жеткізді. Ал үшінші орынды Венгрия құрамасы еншіледі.

Турнир қатысушылары айтқандай, жарыстың басты мақсаты – жеңімпазды анықтау ғана емес, сонымен бірге түрлі елдердің атом саласы кәсіпорындарының қызметкерлері арасындағы достық байланыстарды нығайту.

Тұтастай алғанда, барлық командалар әдемі ойын көрсетіп, жоғары спорттық дайындықтарын аңғартты. Қатысушылар турнирдің ұйымдастырылуы мен спорт мерекесінің айрықша атмосферасын жоғары бағалап, елорданың ерекше сәулетті ғимараттарына тамсана қарады.

Пікір қалдыру