| (AIX)    KZT 18760   %   0.78 USD 40.17   %   -0.25

Қазатомөнеркәсіп және ConverDyn компаниясы UF6 нарығындағы бірлескен маркетингті қолға алады

4 сәуiр 2016
Қазатомөнеркәсіп және ConverDyn компаниясы UF6 нарығындағы бірлескен маркетингті қолға алады

Ұлттық атом компаниясының басқарма төрағасы Асқар Жұмағалиев пен ConverDyn компаниясының президенті Малкольм Критчли Ынтымақтастық туралы келісімге қол қойды.

Қол қойылған құжат әлемдегі ірі уран өндіруші мен конверсиялық қызметтегі жетекші провайдердің ядролық отын циклында байыту үшін шикізат болып табылатын UF6 гексафторид түріндегі уранды ғаламдық нарық үшін бірлесе ұсынуды қалыптастыру мақсатындағы серіктестігін көздейді.

Саладағы екі көшбасшының шоғырлануы атом өнеркәсібі үшін бәсекеге қабілетті және сенімді интеграцияланған UF6 көзін қамтамасыз етеді.

«Қазатомөнеркәсіп» ҰАК» АҚ басқарма төрағасы Асқар Жұмағалиев мәлімдегеніндей: «Қазатомөнеркәсіп пен ConverDyn арасындағы қол қойылған келісім екі компанияны жаңа деңгейге көтереді. Мүмкіндіктерді біріктіру қос компанияға да дивиденд әкеледі. Нақтырағы, Қазатомөнеркәсіп үшін қосымша интеграцияланған ұсыныстар арқылы жаңа нарықтарға қол жеткізуге мүмкіндік береді».

Өз кезегінде ConverDyn компаниясының президенті Малкольм Критчли: «Қазатомөнеркәсіп пен ConverDyn мүмкіндіктері мен мақсаттары ұқсас және олар бірін бірі толықтыра түседі. Қазатомөнеркәсіп – әлемдік ірі табиғи уран өндіруші және Метрополистегі конверсиялық зауытқа уран концентратын ірі жеткізіп беруші ретінде  ConverDyn  үшін табиғи әрі стратегиялық таңдау. Мүмкіндіктерімізді біріктіру арқылы біз клиенттерімізге жеткізіп беру нұсқаларын ұлғайтатын боламыз», - деді.

Тараптар конверсия нарығындағы Kazatomprom-ConverDyn бірлескен ұсынысы таяу уақытта пайда болатынын хабарлады.

 

«Қазатомөнеркәсіп» ҰАК» АҚ – Қазақстанның уран және оның қосындыларын, сирек металдар, атом электр стансаларына арналған ядролық отын, арнайы құрал-жабдықтар, технологиялар және екіұдай мақсаттағы материалдар экспортымен айналысатын ұлттық оператор. Компания қызметінің басты бағыттары геологиялық барлау, уран өндірісі, ядролық отын циклы өнімдерін өндіру, реактор жасау, АЭС құрылысы, конструкциялық материалдар өндірісі, энергетика, ғылыми зерттеу, әлеуметтік қамту және мамандар дайындау болып табылады. Қазатомөнеркәсіп сондай-ақ, Қазақстанда жаңартылатын энергетиканы дамыту бағдарламасының белсенді қатысушысы. Бүгінгі таңда компанияда 27 000-нан астам адам еңбек етеді. Қазатомөнеркәсіп әлемнің жетекші уран өндіруші компанияларының көшін бастап келеді.

www.kazatomprom.kz

 

ConverDyn - General Atomics және Honeywell арасындағы бірлескен әріптестік. АҚШ-тың Иллинойс штатындағы Метрополис қаласында орналасқан UF6 конверсиялау зауытынан бүкіл әлемдегі атом электр станцияларының 60%-дан астамына өнім жеткізіп беріп отыр.

ConverDyn, совместное партнерство между General Atomics и Honeywell, осуществляет поставки на свыше 60% атомных электростанций по всему миру с крупнейшего в мире завода по конверсии UF6 в г. Метрополис, штат Иллинойс, США.

Пікір қалдыру