| (AIX)    USD 27.34   %0      KZT 12320   %0     

Қазатомөнеркәсіп басшылықтағы өзгерістер туралы хабарлайды

10 наурыз 2021
 Қазатомөнеркәсіп басшылықтағы өзгерістер туралы хабарлайды

«Қазатомөнеркәсіп» ұлттық атом компаниясы» АҚ («Қазатомөнеркәсіп» немесе «Компания») Компания басшылығының құрамындағы өзгерістер туралы хабарлайды.

Өндіріс жөніндегі бас директор

Дәурен Құнанбаев 2021 жылдың 04 наурызынан бастап Өндіріс жөніндегі бас директор қызметінен өз еркімен кетті. Компания Құнанбаев мырзаға Қазатомөнеркәсіптегі, оның еншілес және тәуелді кәсіпорындарындағы түрлі басшылық лауазымдарда жүріп қосқан үлкен үлесі үшін алғыс білдіреді.

Тау-кен департаментінің директоры лауазымындағы Әлия Ақжолова Директорлар кеңесінің Өндіріс жөніндегі бас директорды тағайындауы және бекітуі бойынша ішкі корпоративтік рәсімдерді жүргізу кезеңінде Өндіріс жөніндегі бас директордың міндетін атқаратын болады. Ақжолова ханым Қ.И. Сәтбаев атындағы Қазақ ұлттық техникалық университетінің «Гидрогеология және инженерлік геология» мамандығы бойынша инженер дәрежесіне және «МИСиС» (Ресей) ұлттық зерттеу технологиялық университетінің «Тау-кен өндірісі менеджменті» мамандығы бойынша бизнес әкімшілендіру шебері (MBA) дәрежесіне ие. Әлия Ақжолованың өндірісте және Компанияның уран өндіруші кәсіпорындарында атқарған жетекші лауазымдардағы жұмыс тәжірибесін қоса алғанда, Қазатомөнеркәсіп компаниялар тобында он екі жылдан астам жұмыс тәжірибесі бар. Қазіргі уақытта ол «Инкай» БК» ЖШС, «Хорасан-U» ЖШС, «Қызылқұм» ЖШС, «Орталық» ЖШС, «Буденовское» БК» ЖШС және «КАТКО» БК» ЖШС Бақылау кеңестеріндегі Қазатомөнеркәсіптің өкілі.

«Біз Құнанбаев мырзаның Компаниядан кету туралы шешімін құрметтейміз, оған Қазатомөнеркәсіптің дамуына қосқан үлесі үшін алғыс айтамыз және болашақ бастамаларында бар жақсылықты тілейміз,-деді Қазатомөнеркәсіптің Басқарма төрағасы Ғалымжан Пірматов. - Ақжолова ханымға Өндіріс жөніндегі бас директордың міндетін атқару туралы ұсынысты қабылдағаны үшін алғысымды білдіргім келеді. Өйткені, оның тәжірибесі мен білімі барлық мүдделі тараптар үшін пайдалы және біздің мықты, тұрақты және табысты компания құру жөніндегі жұмысымызда Қазатомөнеркәсіп үшін құнды болмақ».

Қазіргі уақытта Қазатомөнеркәсіптің басшылығы:

  • Ғалымжан Пірматов, Басқарма төрағасы;
  • Камила Сыздықова, Экономика және қаржы жөніндегі бас директор;
  • Асқар Батырбаев, Маркетинг жөніндегі бас директор;
  • Әлия Ақжолова, Өндіріс жөніндегі бас директордың м. а.;
  • Мәжит Шәріпов, ЯОЦ жөніндегі бас директор;
  • Бексұлтан Бекмұратов, HR және трансформация жөніндегі бас директор;
  • Ерлан Төлеуғожин, Стратегия және даму жөніндегі бас директордың м. а.;
  • Марат Елемесов, Құқықтық сүйемелдеу және тәуекелдер жөніндегі басқарушы директор.

Басшылық құрамның толық өмірбаяны Компанияның корпоративтік интернет-ресурсында қолжетімді: www.kazatomprom.kz.

Толығырақ ақпарат алу үшін хабарласуға болады:

Инвесторлармен өзара іс-қимылға байланысты сұрақтар бойынша:

Кори Кос (Cory Kos), IR департаментінің директоры

Тел: +7 7172 45 81 80 Email: ir@kazatomprom.kz

Қоғаммен байланыс және БАҚ сұрақтары бойынша:

Торғын Мукаева, GR ж PR департаментің бас сарапшысы

Тел: +7 7172 45 80 63 Email: pr@kazatomprom.kz

Қазатомөнеркәсіп туралы

Қазатомөнеркәсіп – әлемдегі ең ірі уран өндіруші компания. Компания 2020 жылы табиғи уран өндірісі бойынша әлемдегі жиынтық уран өндірісінің шамамен 23%-ын құрады. Топ саладағы аса ірі резервтік уран базасына ие. Қазатомөнеркәсіп еншілес, тәуелді және бірлескен кәсіпорындарымен бірге 24 учаскені игеретін 14 уран өндіруші кәсіпорынға ие. Уран өндіруші кәсіпорындар Қазақстан Республикасы аумағында орналасқан, сонымен қатар барлық кәсіпорындар жер асты ұңғымалы шаймалау (ЖҰШ) әдісін пайдаланады және денсаулық сақтауда, өнеркәсіптік қауіпсіздік пен қоршаған ортаны қорғауда алдыңғы қатарлы тәжірибелерді қолдануға басымдық беріледі.

Қазатомөнеркәсіптің бағалы қағаздары Лондон қор биржасында және «Астана» халықаралық қаржы орталығының биржасында орналастырылған. Қазатомөнеркәсіп Қазақстан Республикасының Ұлттық атом компаниясы саналады және Топтың негізгі клиенттері – атом өндіруші қуат операторлары, ал өнімдер үшін негізгі экспорттық нарық – Қытай, Оңтүстік және Шығыс Азия, Солтүстік Америка және Еуропа. Топ уран мен уран өнімдерін ұзақ мерзімді және қысқа мерзімді келісімшарттар бойынша, сондай-ақ спот нарығында тікелей Нұр-Сұлтан қаласында орналасқан бас кеңсе немесе Швейцариядағы Trading House KazakAtom (THK) еншілес кәсіпорны арқылы сатады.

Толық ақпарат біздің сайтымызда: http://www.kazatomprom.kz.

Келешекке қатысты мәлімдемелер

Осы хабарламаға немесе құжатқа енгізілген тарихи фактілерді қоспағанда, барлық мәлімдемелер болашаққа қатысты мәлімдеме болып табылады. Болашаққа қатысты мәлімдемелер компанияның қаржылық жай-күйіне, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелер басқалармен бірге «нысаналы көрсеткіш», «санау», «күту», «мақсат», «ниеттену», «мүмкін», «болжай білу», «есептеу», «жоспар», «болжау», «болады», «болуы мүмкін», «ықтимал», «тиіс», «болуы мүмкін» сияқты сөздер мен айналымдарды, сондай-ақ ұқсас мағынадағы басқа да сөздер мен ұғымдарды немесе мәлімдеме мәтініне дейін, мәтінінен кейін немесе мәтінінің ішінде тұруы мүмкін олардың теріс пішіндерін қамтуы ықтимал.

Болашаққа қатысты мұндай мәлімдемелер компанияға тәуелді емес белгілі және белгісіз тәуекелдерді, белгісіздіктерді және басқа да маңызды факторларды қамтиды, олар компанияның нақты нәтижелері, көрсеткіштері немесе жетістіктері болашақта қатысты осындай мәлімдемелермен көрсетілген немесе болжанатын күтілетін нәтижелерден, көрсеткіштерден немесе жетістіктерден айтарлықтай ерекшеленетін болады. Болашаққа қатысты мұндай мәлімдемелер компанияның қазіргі және болашақ бизнес-стратегиясына және болашақта жұмыс істейтін шарттарға қатысты көптеген болжамдарға негізделген.

ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ БОЛАШАҚ ОҚИҒАЛАР ТУРАЛЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛІ БЕЛГІСІЗДІККЕ ЖӘНЕ БАСҚА ДА ЖАҒДАЙЛАРҒА ҰШЫРАЙДЫ, ОЛАРДЫҢ ЕШҚАЙСЫСЫ СЕНІМДІЛІКПЕН БОЛЖАНА АЛМАЙДЫ ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС ЖЕРДЕ БОЛАДЫ. БОЛЖАМДАР ІСКЕ АСЫРЫЛАТЫНЫНА ЕШҚАНДАЙ КЕПІЛДІК БОЛА АЛМАЙДЫ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ МҮМКІН. КОМПАНИЯНЫҢ ЕШҚАЙСЫСЫ – ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КОНСУЛЬТАНТТАРЫ ДА, ҮЛЕСТЕС ТҰЛҒАЛАРЫ НЕМЕСЕ ЖОҒАРЫДА АТАЛҒАН ҚАНДАЙ ДА БІР ӨКІЛДЕРІ НЕМЕСЕ ҮЛЕСТЕС ТҰЛҒАЛАРЫ – ОСЫ ҚҰЖАТТА ҰСЫНЫЛҒАН БОЛЖАМДАРДЫҢ ДӘЛДІГІ ҮШІН ЖАУАПТЫ БОЛМАЙДЫ.

Осы хабарламада немесе құжатта қамтылған ақпарат, басқаларымен қатар болашаққа қатысты мәлімдемелерді қоса алғанда, осы құжаттың күнінде ғана қолданылады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, осындай ақпараттың жаңартуларын немесе өзгерістерін тарату жөніндегі қандай да бір міндеттемелерден бас тартады және ол компанияның күтулеріндегі өзгерістер, болашаққа қатысты осындай мәлімдемелер негізделген оқиғалар, шарттар немесе мән-жайлар нәтижесінде немесе осы құжаттың күнінен кейін туындайтын басқа да оқиғалар немесе мән-жайлар нәтижесінде туындайтын ақпаратқа енгізілуі мүмкін қандай да бір өзгерістерді көпшілік алдына шығармайды.

Пікір қалдыру