Қазатомөнеркәсіп 2021 жылы еңбекті қорғауға бағытталған инвестиция көлемін 10%-ға ұлғайтты. Бір жыл ішінде осы саладағы қызметкерлердің біліктілігін арттыру мен оқытуға 2020 жылғы 7,63 млрд. теңгеге қарағанда 8,29 млрд. теңгеден астам қаражат жұмсалды. Бұл қызметкерлердің қауіпсіздікке нұқсан келтірмей тиімді жұмыс істеу үшін қажетті білім алып, дағдыларды меңгеруіне мүмкіндік берді.
Өндірістік қауіпсіздік бойынша жұмысты күшейту шеңберінде «Самұрық-Қазына» АҚ 2022 жылды «Еңбек қауіпсіздігі және еңбекті қорғау жылы» деп жариялаған болатын. Өз кезегінде Қазатомөнеркәсіп жол-көлік оқиғаларынан (ЖКО) зардап шеккен атом холдингінің қызметкерлері бойынша статистиканы ескере отырып, компанияда «Автокөліктегі қауіпсіздік жылын» жариялады. Денсаулық сақтау және қауіпсіздік саласындағы проблемалардың барын мойындап, олардың шешімін табу бойынша өзіне міндеттемелер қабылдаған Компания өз қызметкерлерінің әл-ауқаты мен қауіпсіздігі деңгейін арттыруды жүйелі түрде жалғастырып келеді.
Қазатомөнеркәсіптің Басқарма төрағасы Мәжит Шәріпов:
«Қызметкерлеріміздің денсаулығы мен қауіпсіздігі Қазатомөнеркәсіп үшін басты басымдыққа ие болып, біз еңбек ұжымдарымыз үшін қолайлы орта құруға ұмтыламыз. Қызметкерлеріміз атқарып жатқан жұмыстарды мақтан тұтамыз және олардың бірегей дағдыларын одан әрі жетілдіру үшін оқу бағдарламаларынан өтуге белсенді түрде ынталандырамыз».
Қазатомөнеркәсіп құндылықтарының бірі – жауапкершілік. Компанияның әрбір қызметкеріне қауіпсіздікке қатысты өз алаңдаушылығын ашық білдіруге және қауіпті жағдайларды тудыруы мүмкін нақты іс-әрекеттер мен оқыс оқиғалар туралы хабарлауға мүмкіндік берілген.
Қазатомөнеркәсіптің қауіпсіздікке бейілділігі оның Vision Zero халықаралық әлеуметтік қамсыздандыру қауымдастығының өндірістегі жарақаттануды төмендетуге және еңбектің қолайлы әрі қауіпсіз жағдайларын жасауға бағытталған бастамасына қатысуын растайды.
Қазатомөнеркәсіпте өндірістік объектілердің басшылығы мен инженер-техникалық қызметкерлеріне арналған «Кеніш директорларының мектебі» бағдарламасы жұмыс істеп тұр, сондай-ақ Қазақстанның ядролық университетімен бірлесіп «Еңбекті қорғау және өнеркәсіптік қауіпсіздік саласындағы көшбасшылық» бағдарламасы әзірленуде.
Қазатомөнеркәсіптің барлық өндірістік объектілерінде халықаралық стандарттарға (ISO 45001) сәйкес келетін еңбекті қорғау және қауіпсіздік техникасы менеджменті жүйелері енгізілген. Компания сондай-ақ тұрақты экономикалық өсуді, толық және нәтижелі жұмыспен қамтуды және әрбір адам үшін лайықты жұмысты көздейтін БҰҰ 8 тұрақты даму мақсатын (БҰҰ 8 ТДМ) қолдайды.
Қосымша ақпарат алу үшін хабарласуға болады:
Инвесторлармен өзара іс-қимылға байланысты мәселелер бойынша
Кори Кос (Cory Kos), IR департаментінің халықаралық кеңесшісі
Ботагөз Молдағалиева, IR департаментінің директоры
Тел: +7 7172 45 81 80
Email: ir@kazatomprom.kz
Қоғаммен байланыс және БАҚ сұраулары бойынша
Ғажайып Күмісбек, GR және PR департаментінің бас сарапшысы
Тел: +7 7172 45 80 63
Email: pr@kazatomprom.kz
Қазатомөнеркәсіптегі ESG
2021 жылы компанияның мажоритарлық акционері – «Самұрық-Қазына» АҚ компанияға корпоративтік басқару рейтингін беру мақсатында корпоративтік басқару диагностикасын жүргізу үшін тәуелсіз консультантты тартты. Диагностика қорытындысы бойынша Қазатомөнеркәсіп корпоративтік басқарудың жоғары деңгейін көрсетіп, «А» корпоративтік басқару рейтингі берілді (2020 жылы «BBB»).
Қазатомөнеркәсіп туралы
Қазатомөнеркәсіп – 2021 жылы әлемдік бастапқы уран өндірудің жиынтық көлемінен шамамен 24% - ы мөлшерінде компанияның қатысу үлесіне барабар табиғи уран өндіретін әлемдегі ең ірі уран өндіруші. Топтың саладағы ең ірі резервтік уран базасы бар. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулық сақтауды, өнеркәсіптік қауіпсіздікті және қоршаған ортаны қорғауды бақылаудың озық практикалары мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.
Қазатомөнеркәсіптің бағалы қағаздары Лондон қор биржасында, «Астана» халықаралық қаржы орталығының биржасында және Қазақстан қор биржасында орналастырылған. Қазатомөнеркәсіп Қазақстан Республикасының Ұлттық атом компаниясы саналады және Топтың негізгі клиенттері – атом өндіруші қуат операторлары, ал өнімдер үшін негізгі экспорттық нарық – Қытай, Оңтүстік және Шығыс Азия, Солтүстік Америка және Еуропа. Топ уран мен уран өнімдерін ұзақ мерзімді және қысқа мерзімді келісімшарттар бойынша, сондай-ақ спот нарығында тікелей Нұр-Сұлтан қаласында орналасқан бас кеңсе немесе Швейцариядағы Trading House KazakAtom (THK) еншілес кәсіпорны арқылы сатады
Толық ақпарат біздің сайтымызда: http://www.kazatomprom.kz.
Келешекке қатысты мәлімдемелер
Осы хабарламаға немесе құжатқа енгізілген тарихи фактілерді қоспағанда, барлық мәлімдемелер болашаққа қатысты мәлімдеме болып табылады. Болашаққа қатысты мәлімдемелер компанияның қаржылық жай-күйіне, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелер басқалармен бірге «нысаналы көрсеткіш», «санау», «күту», «мақсат», «ниеттену», «мүмкін», «болжай білу», «есептеу», «жоспар», «болжау», «болады», «болуы мүмкін», «ықтимал», «тиіс», «болуы мүмкін» сияқты сөздер мен айналымдарды, сондай-ақ ұқсас мағынадағы басқа да сөздер мен ұғымдарды немесе мәлімдеме мәтініне дейін, мәтінінен кейін немесе мәтінінің ішінде тұруы мүмкін олардың теріс пішіндерін қамтуы ықтимал.
Болашаққа қатысты мұндай мәлімдемелер компанияға тәуелді емес белгілі және белгісіз тәуекелдерді, белгісіздіктерді және басқа да маңызды факторларды қамтиды, олар компанияның нақты нәтижелері, көрсеткіштері немесе жетістіктері болашақта қатысты осындай мәлімдемелермен көрсетілген немесе болжанатын күтілетін нәтижелерден, көрсеткіштерден немесе жетістіктерден айтарлықтай ерекшеленетін болады. Болашаққа қатысты мұндай мәлімдемелер компанияның қазіргі және болашақ бизнес-стратегиясына және болашақта жұмыс істейтін шарттарға қатысты көптеген болжамдарға негізделген.
ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ БОЛАШАҚ ОҚИҒАЛАР ТУРАЛЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛІ БЕЛГІСІЗДІККЕ ЖӘНЕ БАСҚА ДА ЖАҒДАЙЛАРҒА ҰШЫРАЙДЫ, ОЛАРДЫҢ ЕШҚАЙСЫСЫ СЕНІМДІЛІКПЕН БОЛЖАНА АЛМАЙДЫ ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС ЖЕРДЕ БОЛАДЫ. БОЛЖАМДАР ІСКЕ АСЫРЫЛАТЫНЫНА ЕШҚАНДАЙ КЕПІЛДІК БОЛА АЛМАЙДЫ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ МҮМКІН. КОМПАНИЯНЫҢ ЕШҚАЙСЫСЫ – ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КОНСУЛЬТАНТТАРЫ ДА, ҮЛЕСТЕС ТҰЛҒАЛАРЫ НЕМЕСЕ ЖОҒАРЫДА АТАЛҒАН ҚАНДАЙ ДА БІР ӨКІЛДЕРІ НЕМЕСЕ ҮЛЕСТЕС ТҰЛҒАЛАРЫ – ОСЫ ҚҰЖАТТА ҰСЫНЫЛҒАН БОЛЖАМДАРДЫҢ ДӘЛДІГІ ҮШІН ЖАУАПТЫ БОЛМАЙДЫ.
Осы хабарламада немесе құжатта қамтылған ақпарат, басқаларымен қатар болашаққа қатысты мәлімдемелерді қоса алғанда, осы құжаттың күнінде ғана қолданылады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, осындай ақпараттың жаңартуларын немесе өзгерістерін тарату жөніндегі қандай да бір міндеттемелерден бас тартады және ол компанияның күтулеріндегі өзгерістер, болашаққа қатысты осындай мәлімдемелер негізделген оқиғалар, шарттар немесе мән-жайлар нәтижесінде немесе осы құжаттың күнінен кейін туындайтын басқа да оқиғалар немесе мән-жайлар нәтижесінде туындайтын ақпаратқа енгізілуі мүмкін қандай да бір өзгерістерді көпшілік алдына шығармайды.