2024 жылдың сәуір айында «Волковгеология» АҚ қызметкерлері Орал және Атырау облыстарындағы су тасқынының салдарын жоюға қатысты. Қалпына келтіру жұмыстарын жүргізу үшін су басқан аумақтарға 20 қызметкер және 10 түрлі техника жіберілді. Табиғи апаттың салдарын жоюға ерікті негізде ГРЭ-5, ГРЭ-23, Оңтүстік ВГ филиалдары көмек көрсетті.
«Волковгеология» АҚ волонтерлік бастамалар мен әлеуметтік маңызды іс-шараларды белсенді қолдайды. Бұл жұмыстың маңызды бағыттарының бірі – «Донор күні» акциясына қатысу.
2024 жылдан бастап Қоғам қызметкерлері «Республикалық қан орталығы» РМК-ға 92 литрден астам қан тапсырды, бұл адам өмірін сақтап қалуға елеулі үлес болды. Көптеген қызметкерлер тұрақты ерікті донорлар болып табылады және өмірлік қиын жағдайға тап болғандар үшін бұл көмектің қаншалықты маңызды екенін түсініп, үнемі қан тапсырады. Мұндай бастама елдегі донорлық қозғалыстың дамуына ықпал етіп қана қоймайды, сонымен қатар «Волковгеология»АҚ қызметкерлерінің жоғары әлеуметтік жауапкершілігін көрсетеді.
2024 жылы «Волковгеология» АҚ геологиялық барлау экспедицияларында қоғамның кәсіподақ ұйымының қолдауымен жыл сайын 1 маусымда атап өтілетін балаларды қорғау күніне арналған мерекелік іс-шаралар өткізілді. Балалар үшін аниматорлардың қойылымдары, театр қойылымдары, флешмоб-билер ұйымдастырылды. Сондай - ақ ұлттық және зияткерлік ойындар-шахмат, асық ату және сурет салу бойынша шығармашылық байқау өткізілді. Барлық балаларға естелік сыйлықтар мен ойыншықтар, ал байқау жеңімпаздарына ерекше сыйлықтар табысталды.
2024 жылдың желтоқсанында Қоғам қызметкерлерінің балаларына 39 022 650 теңге сомасына 8500 дана жаңа жылдық сыйлықтар сатып алынды. ГРЭ-23 филиалы Шиелі ауданының №3 өңірлік оңалту орталығының, № 255 ОМ мүмкіндігі шектеулі балаларға арналған іс-шараға қатысып, балаларға жаңа жылдық сыйлықтар табыс етті. ГРЭ-5 филиалы Мектеп оқушыларын құттықтады. Созақ ауданы Сызған ауылының аз қамтылған отбасыларынан шыққанании Мұратбаева оларға естелік сыйлықтар табыс етті. Кәсіподақ комитетінің бастамасымен, сондай-ақ облыстық филармония ұжымының қатысуымен 5-8 жас аралығындағы 600 қызметкер баласы үшін «Арман»мәдениет үйінде жаңа жылдық қойылым өткізілді.