«Қазатомөнеркәсіп» Ұлттық атом компаниясы» акционерлік қоғамы (бұдан әрі – «Қазатомөнеркәсіп», «ҚАӨ» немесе «Компания») 2024 жылғы 31 наурызда аяқталған бірінші тоқсандағы қызметтің келесідей операциялық нәтижелерін жариялайды.
Бұл нәтижелер уран саласының соңғы оқиғаларының жиынтығын, 2024 жылдың бірінші тоқсанындағы операциялық қызметтің негізгі нәтижелеріне қатысты алдын ала ақпаратты, сондай-ақ Компанияның 2024 жылға арналған болжамды көрсеткіштерін көрсетеді. Қызметтің осы операциялық нәтижелерінде қамтылған ақпарат түпкілікті емес және өзгертілуі мүмкін.
Нарыққа шолу
Атом энергиясы жөніндегі халықаралық агенттік (МАГАТЭ) Брюссель қаласында 2024 жылғы алғашқы атом энергиясы Саммитін өткізді. Бұл атаулы саммит тек атом энергиясы тақырыбына арналған ең жоғары деңгейдегі халықаралық форумға айналды, оған ондаған елдердің саяси қайраткерлері, сондай-ақ сала сарапшылары мен мүдделі тараптар қатысты. Салтанатты мәлімдемеде 34 қатысушы ел, соның ішінде АҚШ, Қытай, Франция және Ұлыбритания «Атом энергиясының әлеуетін толық ашу үшін жұмыс істеуге» міндерттенді. Бұл міндеттеме атом энергетикасының жаңа объектілерін салуды, жетілдірілген реакторларды жедел орналастыруды, сондай-ақ қолданыстағы реакторлардың қызмет ету мерзімін ұзартуды қолдау және қаржыландыру үшін қолайлы жағдайлар жасауды білдіреді.
Атом энергиясы Саммитімен қатар бірінші тоқсанда түрлі саяси оқиғалар болды:
- Еуропа Кеңесі мен ЕО Парламенті ЕО-ның өнеркәсіптегі нөлдік шығарындылар туралы Заңының бөлігі ретінде атом энергетикасын стратегиялық технологияларға жатқызу туралы алдын ала келісті. Осы артықшылыққа ие бола отырып, ЕО-дағы атом саласының компаниялары жаңа энергия блоктарын салуға рұқсат алу процесін жеңілдетуге және Еуропада атом энергетикасының дамуын жеделдету үшін негіздемелік жағдайлар жасауға мүмкіндік алады. Сайып келгенде, бұл стратегиялық шешім атом энергетикасын жаңартылатын энергия көздерімен қатар қайта индустрияландыру бойынша қабылданатын күш-жігердің ажырамас құрамдас бөлігі ретінде жіктейді.
- Ұлыбритания үкіметі «Sizewell C» Англияның Саффолк қаласындағы атом электр станциясының құрылысына дайындықты қолдау үшін қосымша 1,3 миллиард фунт стерлинг бөлді. Бұл қаржыландыру жоспарланған екі EPR типті реакторлардың құрылысы басталғанға дейін инфрақұрылымның дайын болуын қамтамасыз етуге бағытталған. Ұлыбритания үкіметі «Sizewell C» АЭС акцияларының бақылау пакетіне иелік етеді, ал EDF Energy компаниясы миноритарлық акционер болып табылады. Сонымен қатар, қазіргі уақытта әлеуетті инвесторлармен келіссөздер жүргізілуде, ал түпкілікті инвестициялық шешім ағымдағы жылдың соңында күтілуде.
- Үндістанның атом энергиясы жөніндегі комиссиясының төрағасы А.К. Моханти 2047 жылға қарай елдің атом энергетикасының әлеуетін 8 ГВт-тан 100 ГВт-қа дейін арттыру жоспарларын белгіледі. Көбейткіш реакторлар 3000 МВт, ал импортталған жеңіл-су реакторлары – 17600 МВт қамтамасыз етуі керек. Негізгі бөлігі – 40 000-нан 45 000 МВт-қа дейін – отандық ауыр-су реакторлары қамтамасыз етеді деп күтілуде. Осыған байланысты атом энергиясы министрлігі осы мақсатқа жету үшін тұжырымдамалық құжат әзірлеуде.
- Америка Құрама Штаттары мен Болгария жаңа атом реакторларын салу бойынша ұсыныстарды қамтитын Болгарияның атом энергетикасы бағдарламасы аясында ынтымақтастық туралы үкіметаралық келісім жасады. Екі ел де «Козлодуй» атом электр станциясында екі жаңа блокты жобалауда, салуда және пайдалануға беруде ынтымақтасатын болады. Сонымен қатар, олар ғылыми-зерттеу және оқыту бағдарламалары бойынша бірлескен күш-жігерді, сондай-ақ ядролық жеткізілім тізбегіндегі Болгарияның тұрақтылығын арттыруды қарастырады.
2024 жылдың сәуір айында Алматыда «World Nuclear Spotlight Kazakhstan» халықаралық конференциясы өтті, онда алдағы референдум аясында атом энергетикасын дамыту мүмкіндігі мәселелері талқыланды. Конференцияға орталық мемлекеттік органдардың өкілдері мен сарапшылары, негізгі компаниялардың, сондай-ақ халықаралық ұйымдардың басшылары қатысты. Форум Қазақстанда атом энергетикасын дамыту бойынша тәжірибе алмасу және ұсыныстар әзірлеу және ядролық-энергетикалық бағдарламаны іске асыру мүмкіндіктерін талқылау үшін маңызды алаңға айналды.
Осы іс-шарадан кейін индустрияның 200-ден астам көшбасшылары мен сарапшылары, сондай-ақ негізгі компаниялар индустрияның өзекті мәселелерін талқылау үшін «World Nuclear Fuel Cycle 2024» конференциясына қатысты. Негізгі тақырыптар батыс елдеріне ресейлік байытылған уран өнімін (БУӨ) жеткізу тізбегінің бұзылуының ықтимал әсері, сұраныстың артуы аясында ұсыныстың құрылымдық тапшылығы, уран нарығындағы инвесторлардың рөлі және ядролық отын бағасының динамикасы болды.
Есепті кезеңнен тыс, бірақ сала үшін маңызды оқиға - H. R. 1042 заң жобасын АҚШ Өкілдер Палатасы 2023 жылдың желтоқсанында бекіткеннен кейін АҚШ Сенатының 2024 жылдың 30 сәуірінде мақұлдауы. H. R. 1042-2028 жылдың басынан бастап ресейлік БУӨ импортына тыйым салатын заң жобасы. Соңғы қол қойылғаннан кейін, жергілікті атом станцияларын отынмен қамтамасыз ету проблемалары туындаған жағдайда 2028 жылға дейін мүмкін болатын ерекшеліктермен, тыйым бекітілгеннен кейін 90 күннен кейін күшіне енеді,
Компания H. R. 1042 қабылдау Қазатомөнеркәсіпке қандай да бір әсер етеді деп күтпейді, өйткені Қазатомөнеркәсіптің негізгі қызметі табиғи уран (U3O8) өндірісі болып табылады. Қазатомөнеркәсіп немесе оның бірлескен кәсіпорындар бойынша серіктестері тарапынан табиғи уран жеткізіле ме, жоқ па, табиғи уран конверсиялық кәсіпорындарға жеткізілгенге дейін өзінің қазақстандық шығу тегін сақтайды.
Заң шығару бастамаларынан басқа, бірінші тоқсанда сұранысқа қатысты келесі оқиғалар болды :
- Ресейдегі «Курск» атом электр станциясының екінші энергоблогы 45 жыл жұмыс істегеннен кейін біржола тоқтатылды. 925 МВт қуаты бар РБМК-1000 реакторы 1979 жылы тамызда пайдалануға берілді және жұмыс істеген кезде 256 ТВтсағ-тан астам электр энергиясын өндірді.
- Египеттегі «Эль-Дабаа» атом электр станциясының төртінші энергоблогында ВВЭР-1200 жеңіл-су реакторының іргетасына ядролық қауіпсіздікті қамтамасыз етуге байланысты «бірінші бетон» құйылды. Жобаны Росатом Египет серіктестерінің көмегімен салынуда.
- Росатом Ресейдегі «Ленинград» АЭС-2 үшінші энергоблогы үшін ядролық қауіпсіздікті қамтамасыз етуге байланысты «бірінші бетонды» құю туралы жариялады. Бұл ВВЭР-1200 жеңіл-су реакторы үшін ядролық арал құрылысының басталуын белгіледі. Росатом «Ленинград» атом электр станциясының жанында орналасқан ескірген қуаттарды ауыстыру үшін «Ленинград» атом электр станциясының үшінші және төртінші энергия блоктарын салуды жоспарлап отыр.
- Қытай ұлттық ядролық корпорациясы (CNNC) Қытайдың Фуцзянь провинциясындағы «Чжанчжоу» атом электр станциясының үшінші энергоблогында HPR1000 жеңіл су реакторын салуға кірісті. Бұл үшінші және төртінші блоктарды қамтитын «Чжанчжоу» атом электр станциясы жобасының екінші кезеңін жүзеге асыруға түпкілікті рұқсат алудан кейін болды.
- Ақпан айында Nuclear Power Corporation of India Ltd. Үндістанның Гуджарат штатындағы «Какрапар» атом электр станциясының төртінші энергоблогының желісіне қосылғаны туралы хабарлады. 700 МВт ауыр-су ядролық реакторы - бұл CANDU типті ауыр су реакторы негізінде жасалған Үндістандағы алғашқы отандық реактор.
- «Georgia Power», Southern Co. еншілес компаниясы «Westinghouse» компаниясының AP1000 типті екінші реакторы «Вогл» АЭС төртінші энергоблогының электр желісіне сәтті қосылғанын жариялады. «Вогл» атом электр станциясының төртінші энергия блогындағы жұмыстар жоспарға сәйкес жүргізілуде және реактор 2024 жылдың екінші тоқсанында толық коммерциялық пайдалануға беріледі деп күтілуде.
- БАӘ, Абу-Даби қаласындағы «Барака» атом электр станциясының төртінші энергоблогы ұлттық электр желісіне сәтті қосылған. «Барака» атом электр станциясының төртінші энергоблогы, APR-1400 реакторы станциядағы төртінші және соңғысы бастапқы сынға жеткеннен кейін 1 наурызда іске қосу-жөндеу жұмыстарын бастады.
- Аргентинаның ядролық реттеушісі Nucleoelectrica Argentina компаниясына 2026 жылдың 26 мамырына дейін «Атуча» атом электр станциясының екінші энергоблогын пайдалануға ұзартылған лицензия берді. Компания Аргентинаның Буэнос-Айрес қаласының маңында орналасқан 745 МВт ауыр-су реакторының қауіпсіз және сенімді жұмысын қамтамасыз ету үшін барлық қажетті модификациялар мен жақсартуларды енгізгені атап өтілді.
Ұсыныс жағына келетін болсақ, Cameco корпорациясы Сигар-Лейк пен Мак-Артур-Ривер/Кей-Лейк кеніштерінде 18 миллион фунт U3O8 (100% негізде) өндіру жоспарын жариялады, мұнда Cameco үлесі 2023 жылы 17,6 миллион фунт U3O8-мен салыстырғанда, 2024 жылы 22,4 миллион фунт U3O8 құрайды. Сонымен қатар, компания Сигар-Лейк кенішінің болжамды қызмет ету мерзімін 2031 жылдан 2036 жылға дейін ұзартуды жоспарлап отырғанын айтты. Техникалық есепте айтылғандай, Сигар-Лейк жалпы өнімі 2036 жылға қарай 205,9 миллион фунт U3O8 жетеді.
Orano компаниясы 2023 жылы уран өндірісінің жалпы көлемі шамамен 18,6 миллион фунт U3O8 болатынын хабарлады, Нигердегі SOMAÏR өңдеу зауыты бастапқыда жоспарланған 4,7 миллион фунт U3O8 орнына шамамен 2,6 миллион фунт U3O8 өндірді. Orano компаниясы сонымен қатар SOMAÏR кәсіпорнында уранды қайта өңдеу өткен шілдеде Нигердегі әскери төңкерістен кейін пайда болған бірнеше айлық үзілістен кейін біртіндеп қайта басталатынын хабарлады.
Ақырында, Paladin Energy LTD компаниясы 2024 жылдың 30 наурызында Намибиядағы Лангер-Хайнрих кенішінде өнеркәсіптік өндіріске қол жеткізілгенін және алғашқы бөшке контейнерлері уранмен толтырылғанын хабарлады. Компания енді оның назары өндірісті ұлғайтуға және тұтынушыларға жөнелтуге дайындалу үшін дайын өнім қорларын құруға бағытталатынын айтты. Сонымен қатар, Boss Energy Ltd. 2024 жылдың сәуір айының соңында Оңтүстік Австралиядағы Honeymoon кенішін қайта бастау аясында жерасты-ұңғымалық шаймалау (ЖҰШ) әдісімен өнеркәсіптік өндіріске сәтті қол жеткізілгенін хабарлады.
Нарықтық белсенділік және баға белгілеу
* UxC және TradeTech баға белгілеулерінің орташа мәні
2024 жылдың қаңтарында, 2007 жылдың тамызынан бастап алғаш рет спот бағасы U3O8 фунты үшін 100 доллардан асып, ақпан айының басында U3O8 фунты үшін 107 долларға жетті. Бұл секіріске АҚШ-тың Ресей уранын импорттауға әлеуетті тыйым салуы, күкірт қышқылының тапшылығынан туындаған Қазақстандағы өндіріс көлемі жөніндегі мәселелер, сондай-ақ Нигердегі операциялық проблемалар сияқты бірқатар факторлар ықпал етті. Кейіннен қаржылық ойыншылардың сұранысының төмендеуі және энергетикалық компаниялардың төмен қызығушылығы тоқсанның соңына қарай U3O8 фунты үшін бағаның 87,75 долларға дейін төмендеуіне ықпал етті. Үшінші тарап дереккөздерінің мәліметтері бойынша, 2024 жылдың алғашқы үш айындағы спот транзакцияларының көлемі өткен жылдың сәйкес кезеңімен салыстырғанда шамамен 25%-ға төмен болды. Транзакциялар 7,7 миллион фунт U3O8 (~2,900 тU) болды, орташа апталық спот бағасы U3O8 фунты үшін 96,75 АҚШ долларын құрады, 2023 жылдың бірінші тоқсанында U3O8 фунты үшін 10,2 миллион фунт U3O8 (~3 900 тU) орташа апталық спот бағасы 50,35 АҚШ долларын құрады.
Ұзақ мерзімді нарықта белсенділік өткен жылмен салыстырғанда айтарлықтай төмен болды: үшінші тарап көздеріне сәйкес, транзакциялар 2024 жылдың бірінші тоқсанында шамамен 23 миллион фунт U3O8 (8 800 тU) құрады, ал 2023 жылдың бірінші тоқсанында шамамен 52 миллион фунт U3O8 (20 000 тU) болды. Белсенділіктің төмендеуіне қарамастан, ұзақ мерзімді баға U3O8 фунты үшін жыл сайын шамамен 24,50 долларға өсіп, U3O8 фунты үшін 77,50 долларға жетті (үшінші тараптар ай сайын жариялайды).
Компания оқиғалары
Су тасқыны жағдайы
Қазақстанның батыс және солтүстік облыстары жойқын су тасқынына ұшырағаны белгілі. Көптеген аймақтарда жағдай тұрақтанғанына қарамастан, су апаты салдары өте ауыр. Компания су тасқыны жағдайы Компанияның уран өндіру, өңдеу және тасымалдау жөніндегі қызметіне әсер етпегенін растайды. Қазатомөнеркәсіптің барлық кәсіпорындары өз жұмысын штаттық режимде жалғастыруда.
Сонымен қатар, Қазатомөнеркәсіп су тасқыны бойынша ағымдағы ахуалға және олардың компания қызметіне әлеуетті ықпалына тұрақты мониторинг жүргізуді жалғастыруда, сондай-ақ өмірлік маңызды инфрақұрылымды қалпына келтіруге және зардап шеккендерге көмек көрсетуді қамтамасыз етуге қолдау көрсетеді.
«Taiqonyr Qyshqyl Zauyty» ЖШС
2024 жылдың қаңтарыңда Компания меншік құрылымын оңайлатуға және оңтайландыруға бағытталған қайта құрылымдау шеңберінде Қазатомөнеркәсіп «Taiqonyr Qyshqyl Zauyty» ЖШС («TQZ» ЖШС) жарғылық капиталындағы қатысу үлесінің 49%-ын «Қазатомөнеркәсіп-SaUran» ЖШС-не сатқан болатынын тхабарлады. Сондай-ақ, 2024 жылғы қаңтарда жаңа күкірт қышқылы зауытын салу жөніндегі жобаны іске асыру үшін инвестициялар тарту мақсатында итальяндық ballestra Ballestra S.p.A компаниясымен стратегиялық әріптестік туралы келісімге қол қойылды.
Бұрын хабарланғандай, күкірт қышқылын өндіру Компания қызметінің негізгі түрі болып табылмайтынын ескере отырып, Қазатомөнеркәсіптің директорлар кеңесі Қазақстанда Ballestra S. p.a. компаниясының жергілікті серіктесін осы жобаға тарту туралы шешім қабылдады. Нәтижесінде, «Қазатомөнеркәсіп-SaUran» ЖШС «TQZ» ЖШС-дегі үлесінің 60% - Ballestra S. p. a компаниясының жергілікті серіктесіне сатты.
Ballestra жобаны жобалауды, жабдықты жеткізуді және техникалық қолдауды жүзеге асырады деп күтілуде. Ballestra технологиялары Қазатомөнеркәсіптің бейінді емес активтері болып табылатын «СКЗ-U» ЖШС және «SSAP» ЖШС жұмыс істеп тұрған күкірт қышқылы зауыттарында сәтті қолданылады, олардың иелену үлесі тиісінше 49% және 9,89% құрайды.
Меншік құрылымын өзгерту рәсімдерін, сондай-ақ жобалау-сметалық құжаттаманы бекіту мерзімдері бойынша кідірістерді ескере отырып, Компания «TQZ» ЖШС құрылысын аяқтау және өндірісті іске қосу мерзімдері 2026 жылдан 2027 жылға ауыстырылады деп күтеді.
АЖЖЖ өткізу туралы хабарлама және дивидендтер төлеу жөніндегі ұсынымдар
2024 жылғы 19 сәуірде бірінші тоқсан аяқталғаннан кейін Қазатомөнеркәсіп 2024 жылғы 18 сәуірде Астана қаласында өткен Компанияның директорлар кеңесі отырысының нәтижелерін жариялады.
Директорлар кеңесі бірқатар шешімдер қабылдады, оның ішінде Компания акционерлерінің жылдық жалпы жиналысын (АЖЖЖ) өткізу мерзімдері мен форматы туралы, сондай-ақ бір жай акцияға 1 213,19 теңге мөлшерінде дивидендтер төлеу туралы ұсыным бойынша (бір ҒДҚ бір жай акцияға тең). АЖЖЖ мақұлдаған жағдайда дивидендтердің жалпы сомасы шамамен 314,65 млрд теңгені құрайды. 2024 жылдың 24 сәуірінде директорлар кеңесі дивидендтер төлеудің ұсынылған басталу күнін өзгерту туралы шешім қабылдады. АЖЖЖ мақұлданған жағдайда, 2023 жылдың қорытындысы бойынша дивидендтер төлеу 2024 жылғы 28 мамырдан бастап бағалы қағаздарды ұстаушылар тізілімінде тіркелген акционерлерге 2024 жылғы 27 мамырдағы жағдай бойынша жергілікті уақыт бойынша 00 сағат 00 минут (GMT+5) (бұрын – тиісінше 2024 жылғы 17 және 16 шілдеде) басталады.
2024 жылғы 23 мамырға жоспарланған АЖЖЖ туралы хабарлама және директорлар кеңесінің 2023 жылға арналған дивидендтер төлеу жөніндегі ұсынымы туралы толық ақпарат Компанияның www.kazatomprom.kz интернет-ресурсында қолжетімді.
Компания басқармасы
Бұған дейін хабарланғандай, 2024 жылғы 5 сәуірде Қазатомөнеркәсіптің Директорлар кеңесі Компанияның жаңа ұйымдық құрылымын бекітіп, стратегия және халықаралық даму жөніндегі бас директор лауазымын енгізу, сондай-ақ HR және өндірістік қауіпсіздік жөніндегі бас директордың позициясын жою туралы шешім қабылдады. Дастан Көшербаев, осыған дейін коммерция жөніндегі бас директор қызметін атқарған, 2023 жылғы маусымнан бастап Басқарма мүшесі, стратегия және халықаралық даму жөніндегі бас директор лауазымына тағайындалды. Директорлар кеңесі 2024 жылғы 24 сәуірдегі шешімімен 2024 жылғы 22 сәуірде коммерция жөніндегі бас директор лауазымына тағайындалған Владислав Байғожин басқарма мүшесі болып тағайындалды.
Осылайша, қазіргі уақытта Қазатомөнеркәсіп басқармасының құрамы төмендегідей:
- Мейіржан Юсупов, басқарма төрағасы;
- Сұлтан Темірбаев, экономика және қаржы жөніндегі бас директор;
- Қуаныш Омарбеков, өндіріс жөніндегі бас директор;
- Дастан Көшербаев, стратегия және халықаралық даму жөніндегі бас директор;
- Владислав Байғожин, коммерция жөніндегі бас директор;
- Ермек Қуантыров, құқықтық сүйемелдеу және корпоративтік басқару жөніндегі бас директор;
- Дархан Сағындықов, сатып алу және жалпы мәселелер жөніндегі бас директор.
Қазатомөнеркәсіптің 2023 жылғы интеграцияланған жылдық есебі және басқа корпоративтік құжаттар
Бұрын хабарланғандай, 2024 жылғы 30 сәуірдегі биржалардың реттеуші талаптарына сәйкес, 2023 жылға арналған интеграцияланған жылдық есептің (ИЖЕ) мәтіндік нұсқасын Компанияның директорлар кеңесі бекітті және Қазатомөнеркәсіптің www.kazatomprom.kz веб-сайтында жарияланды.
Орнықты даму бойынша үздік халықаралық практикаларға сәйкес Компания өзінің ресми веб-сайтында «Қазатомөнеркәсіп «ҰАК» АҚ кәсіпорындарының халықаралық тобына салық салу қағидаттарының саясатын (салық саясатын) орналастырды, www.kazatomprom.kz «Біз туралы - Корпоративтік басқару - Корпоративтік құжаттар - Саясат».
Қазатомөнеркәсіптің 2024 жылғы 1-тоқсандағы операциялық қызметінің нәтижелері1
|
|
31 наурызда аяқталған үш ай |
|
|
|
(U3O8 тоннамен, егер басқаша көрсетілмесе) |
2024 |
2023 |
Өзгеруі |
|
U3O8 өндіріс көлемі (100% негізде)2 |
5 077 |
4 744 |
7% |
|
U3O8 өндіріс көлемі (қатысу үлесіне пропорционалды)3 |
2 761 |
2 517 |
10% |
|
Топ бойынша U3O8 сату көлемі 4 |
2 752 |
6 142 |
-55% |
|
Сату көлемі U3O8 ҚАӨ (Топ бойынша сату көлеміне енгізілген)5 |
2 321 |
6 142 |
-62% |
|
Топ бойынша сатудың орташа бағасы (АҚШ долл./ фунт U3O8)6** |
62,53 |
46,75 |
34% |
|
ҚАӨ мәмілелері бойынша сатудың орташа бағасы (АҚШ долл./ фунт U3O8)7** |
56,15 |
46,75 |
20% |
|
Айдың соңындағы спот бағасының орташа бағасы (АҚШ долл./ фунт U3O8)8** |
94,33 |
50,68 |
86% |
Өндіріс 100% негізде де, 2024 жылдың бірінші тоқсанындағы қатысу үлесіне пропорционалды түрде де 2023 жылдың сәйкес кезеңімен салыстырғанда жоғары болды, бұл Компанияның бұрын жарияланған болжамына сәйкес 2024 жылға да, жер қойнауын пайдалануға арналған келісімшарттар шеңберіндегі міндеттемелерге сәйкес 2024 жылдың бірінші тоқсанына да өндіру жоспарының шамалы өсуімен байланысты. Жоспарлы өндіру көлемінің ұлғаюы 2023 жылы бұрғылау көлемінің қалпына келуіне байланысты болды.
Клиенттердің жеткізілімге сұраныстарының түсу мерзімдеріне, сондай-ақ 2024 жылға арналған сатудың болжамды көрсеткіштерінің төмендеуіне байланысты топ бойынша да, КАП бойынша да сату көлемі 2024 жылдың бірінші тоқсанында 2023 жылдың ұқсас кезеңімен салыстырғанда төмен болды. Әр тоқсанның сату көлемі айтарлықтай өзгеруі мүмкін, ал тоқсандық сату көлемі клиенттердің сұраныстарына және физикалық жеткізу мерзімдеріне байланысты жылдан жылға өзгеріп отырады.
Уранның спот бағасының жоғарылауына байланысты 2024 жылдың бірінші тоқсанындағы сатудың орташа бағасы 2023 жылдың сәйкес кезеңімен салыстырғанда жоғары болды. Компанияның қазіргі келісімшарттық портфолиосы уранның спот бағасымен байланысты, алайда 2024 жылдың 1-тоқсанындағы кейбір келісімшарттар бойынша жеткізілімдерде белгіленген баға компоненттері, соның ішінде салыстырмалы түрде төмен спот бағалары жағдайында қалыптасқан баға төбелері болды. Нәтижесінде Компанияны сатудың орташа бағасының өсуі және Топ бойынша 2024 жылдың бірінші тоқсанында уранның спот нарығындағы бағаның ұқсас кезеңдегі өсімінен төмен болды. Уран нарығында тоқсандық көрсеткіштер мен аралық нәтижелердегі үрдістер жылдық күтулерді сирек көрсетеді; жылдық күтулермен Компанияның төменде келтірілген болжамды көрсеткіштерінде, сондай-ақ Компанияның 2023 жылғы қаржылық жай-күйі мен қызметінің нәтижелерін талдаудың «Уранды өткізу бағалары бойынша сезімталдықты талдау» 12.1-бөліміндегі бағаларға сезімталдық кестесімен танысуға болады.
Қазатомөнеркәсіптің 2024 жылға арналған болжамдары
|
2024 |
|
|
460 KZT/1USD |
|
|
Өндіріс көлемі U3O8 өндіру кәсіпорындары (100% негізде), тонна1, 2 |
21 000 – 22 5002 |
|
Өндіріс көлемі U3O8 өндіру кәсіпорындары (қатысу үлесіне пропорционалды), тонн3 |
10 900 – 11 9002 |
|
Топты өткізу көлемі, тонна4 (шоғырландырылған) |
15 500 – 16 500 |
|
оның ішінде компанияны сату көлемі, тонна5 |
11 500 – 12 500 |
|
Топтың жалпы кірісі (қаржылық есептілікке сәйкес)6, млрд. теңге |
1 700 – 1 800 |
|
оның ішінде U3O8 сатудан түскен түсім (Топ бойынша)6, млрд. теңге |
1 300 – 1 400 |
|
C1 Ақшалай құны (қатысу үлесі бойынша), АҚШ долл./ фунт * |
$16,50 – $18,00 |
|
AISC Өндіру кәсіпорындарының ақшалай өзіндік құны + күрделі шығындары (қатысу үлесі бойынша), АҚШ долл./фунт* |
$26,00 – $27,50 |
|
Күрделі шығындар (100% негізде), млрд. теңге7 |
250 – 270 |
Қазіргі уақытта 2024 жылға арналған барлық болжамды көрсеткіштер өзгеріссіз қалып отыр.
Түсім бойынша, сондай-ақ «Ақшалай өзіндік құн (қатысу үлесі бойынша), С1» және «Ақшалай өзіндік құн + өндіру кәсіпорындарының күрделі шығындары (қатысу үлесі бойынша С1 + күрделі шығындар), AISC» көрсеткіштері бойынша күтулер теңгенің АҚШ долларына шаққандағы айырбас бағамы және уранның спот бағасы компанияның болжамдарынан өзгеше болатын дәрежеде компанияның жоғарыда келтірілген күтулерінен өзгеше болуы мүмкін.
Компания тек операциялық факторларға және оның бақылауындағы ішкі өзгерістерге қатысты болжамды көрсеткіштерді жаңартуға ниетті. Сыртқы көрсеткіштер үшін пайдаланылатын негізгі болжамдар, мысалы, айырбас бағамдары мен уран бағалары, Компанияның жылдық бюджетін қалыптастыру кезінде өткен жылы үшінші тарап көздерінің деректері негізінде белгіленеді; мұндай болжамдар тек ерекше жағдайларда ғана аралық негізде жаңартылатын болады.
Неғұрлым толық ақпарат алу үшін төмендегі байланыс нөмірлеріне хабарласуға болады:
Инвесторлармен өзара іс-қимыл бойынша
Ботагөз Молдағалиева, IR департаментінің директоры
Тел: +7 7172 45 81 80/69
Email: ir@kazatomprom.kz
Қоғаммен байланыс және БАҚ сұраулары бойынша
Асқар Атағулин, IR департаментінің директоры
Тел: +7 7172 45 80 63
Email: pr@kazatomprom.kz
Осы хабарламаның көшірмесі www.kazatomprom.kz. сайтында қол жетімді
Қазатомөнеркәсіп туралы
Қазатомөнеркәсіп 2023 жылы уранның жалпы әлемдік бастапқы өндірісінің шамамен 20% мөлшерінде компанияның қатысу үлесіне пропорционалды табиғи уран өндіретін әлемдегі ең ірі уран өндіруші болып табылады. Топ саладағы уранның ең үлкен резервтік базасына ие. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулықты, өнеркәсіптік қауіпсіздікті және қоршаған ортаны қорғауды бақылаудың озық тәжірибелері мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.
Қазатомөнеркәсіптің бағалы қағаздары Лондон қор биржасында, Astana International Exchange биржасында және Қазақстан қор биржасында орналастырылған. Қазатомөнеркәсіп Қазақстан Республикасының Ұлттық атом компаниясы болып табылады, ал топтың негізгі клиенттері - Атом өндіруші қуаттардың операторлары, ал өнімдерге арналған негізгі экспорттық нарықтар - Қытай, Оңтүстік және Шығыс Азия, Солтүстік Америка және Еуропа. Топ уран мен уран өнімдерін ұзақ мерзімді және қысқа мерзімді келісімшарттар бойынша, сондай-ақ спот-нарықта тікелей өзінің корпоративтік орталығынан сатады. Астана, Қазақстан, сондай-ақ Швейцариядағы trading House KazakAtom (ТҰК) еншілес сауда компаниясы арқылы.
Қосымша ақпарат алу үшін біздің www.kazatomprom.kz. интернет-ресурсқа кіріңіз
Болашаққа қатысты мәлімдемелер
Осы хабарламаға немесе құжатқа енгізілген тарихи фактілерден басқа барлық мәлімдемелер болашаққа қатысты мәлімдемелер болып табылады. Болашаққа қатысты мәлімдемелер компанияның қаржылық жағдайына, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелерге "мақсат", "санау", "күту", "ниет ету", "мүмкін", "болжау", "бағалау", "жоспар", "жоба", "болады"сияқты сөздер қолданылатын мәлімдемелер кіруі мүмкін, бірақ олармен шектелмейді, "болуы мүмкін"," мүмкін"," керек"," мүмкін " және ұқсас мағынадағы басқа сөздер мен терминдер немесе олардың теріс формалары.
Болашаққа қатысты мұндай мәлімдемелерге белгілі және белгісіз тәуекелдер, белгісіздіктер және компанияға тәуелді емес басқа да маңызды факторлар кіреді, бұл Компанияның нақты нәтижелері, көрсеткіштері немесе жетістіктері болашаққа қатысты осындай мәлімдемелермен көрсетілген немесе болжанған күтілетін нәтижелерден, көрсеткіштерден немесе жетістіктерден айтарлықтай ерекшеленуі мүмкін. Болашаққа қатысты мұндай мәлімдемелер компанияның қазіргі және болашақ бизнес стратегиясына және оның болашақта жұмыс істейтін жағдайларына қатысты көптеген болжамдарға негізделген.
ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ БОЛАШАҚ ОҚИҒАЛАР ТУРАЛЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛЕСТІК БЕЛГІСІЗДІККЕ ЖӘНЕ БАСҚА КОНВЕНЦИЯЛАРҒА ҰШЫРАЙДЫ, ОЛАРДЫҢ ЕШҚАЙСЫСЫН СЕНІМДІ ТҮРДЕ БОЛЖАУ МҮМКІН ЕМЕС ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС. БОЛЖАМДАРДЫҢ ОРЫНДАЛАТЫНЫНА КЕПІЛДІК ЖОҚ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ МҮМКІН. КОМПАНИЯНЫҢ ЕШҚАЙСЫСЫ - ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КЕҢЕСШІЛЕРІ ДЕ, АФФИЛИИРЛЕНГЕН ТҰЛҒАЛАРЫ ДА, ҚАНДАЙ ДА БІР ӨКІЛДЕРІ ДЕ, ЖОҒАРЫДА АТАЛҒАН АФФИЛИИРЛЕНГЕН ТҰЛҒАЛАРЫ ДА-ОСЫ ҚҰЖАТТА ҰСЫНЫЛҒАН БОЛЖАМДАРДЫҢ ДҰРЫСТЫҒЫНА ЖАУАП БЕРМЕЙДІ.
Осы хабарламада немесе құжатта қамтылған ақпарат, оның ішінде болашаққа қатысты өтініштер осы құжаттың күніне ғана қолданылады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, осындай ақпараттың жаңартуларын немесе өзгерістерін тарату жөніндегі қандай да бір міндеттемелерден біржақты бас тартады және Компания күтулеріндегі өзгерістер, осындай мәліметтер негізделген оқиғалардағы, шарттардағы немесе жағдайлардағы өзгерістер нәтижесінде туындайтын ақпаратқа енгізуі мүмкін қандай да бір өзгерістерді жария түрде жарияламайды Болашаққа немесе осы құжаттың күнінен кейін туындайтын басқа оқиғаларға немесе жағдайларға қатысты мәлімдемелер.