| (AIX)    USD 40.49   %   1.56 KZT 18305   %   0.6

Астанада ТМД Атом комиссиясының отырысы және реакторлық қондырғылардың қауіпсіздігі жөніндегі халықаралық ғылыми конференция өтті

24 шiлде 2017
Астанада ТМД Атом комиссиясының отырысы және  реакторлық қондырғылардың қауіпсіздігі жөніндегі  халықаралық ғылыми конференция өтті

Астана ЭКСПО-2017 көрмесі аумағындағы «Атом энергиясының әлемі» павильонында атом энергиясын бейбіт мақсатта пайдалану жөніндегі ТМД-ға мүше-мемлекеттер комиссиясының арнайы отырысы өтті.

Жиналысқа аталмыш комиссия мен ТМД Атқару комитетінің мүшелері, Қазақстан, Беларусь, Армения энергетика министрліктерінің, Қазақстанның ядролық қоғамы мен ТМД елдеріндегі атом саласы компанияларының, «Қазатомөнеркәсіп» ҰАК» АҚ, «Росатом» МК өкілдері және т.б. қатысты. Кездесуде атом энергиясын пайдаланудың қазіргі жайы және перспективалары сөз болды.

Сол күні ТМД елдері атом өнеркәсібінің жетекші мамандары қатысуымен «ТМД елдерінде орта және шағын қуаттағы қауіпсіздігі жоғары инновациялық реакторлық қондырғылар жобасын жүзеге асыру мүмкіндіктері» деген тақырыппен Халықаралық ғылыми-практикалық конференция болып өтті.

Шара барысында конструкторлық орталықтардың сарапшылары реакторлардың инновациялық үлгілерімен таныстырды. Қазіргі заманғы атом қондырғыларының қауіпсіздігі тақырыбы толық ашылды. Атап айтқанда, спикерлер орта және шағын қуаттағы реакторлардың қауіпсіздік деңгейі өте жоғары екенін атап көрсетті.

Таныстырылымдар қорытындысы бойынша отандық және шетелдік атом саласының сарапшылары өзара пікір алмасты.

Пікір қалдыру