| (AIX)    USD 39.87   %   1.14 KZT 18195   %   -0.71

Баспасөз баяны Беделді ядролық университетті бітірген қазақстандық түлектер Қазатомөнеркәсіпте жұмыс істейтін болады

14 қазан 2015
Баспасөз баяны Беделді ядролық университетті бітірген қазақстандық түлектер Қазатомөнеркәсіпте жұмыс істейтін болады

«Қазатомөнеркәсіп» ҰАК» АҚ басқарма төрағасы Асқар Жұмағалиев атом саласы үшін білікті мамандар даярлайтын ресейлік жетекші жоғары оқу орны – Мәскеу инженерлік-физикалық институты (МИФИ) Ұлттық зерттеу ядролық университетін бітірген қазақстандық түлектермен кездесті. Барлық студенттер ұлттық атом компаниясының гранты есебінен салалық мамандықтар бойынша білім алған.

Асқар Жұмағалиев түлектерді университетті сәтті бітірулерімен құттықтады. Кездесу барысында Қазатомөнеркәсіп басшысы жас мамандармен бірге саланы дамыту мәселелерін талқылап, білім беру жүйесінің ерекшеліктеріне және олардың болашақтағы жоспарларына қызығушылық танытты.

Асқар Жұмағалиев компанияның даму Стратегиясында кадрлық саясатқа үлкен мән берілгенін атап көрсетті. Қазатомөнеркәсіптің жоғары нәтижелерге қол жеткізуі үшін білікті мамандар қажет.

– Қазір Қазатомөнеркәсіпке керекті тағы бес дипломды маманның қатарымызға қосылғанына қуаныштымын. Сіздер алған білімдеріңізді іс жүзінде қолданып, атом саласының және тұтас еліміздің дамуына үлес қосасыздар деп сенемін. Сіздерге үлкен үміт артамыз, компанияның келешегі сіздердің бәсекеге қабілеттіліктеріңізге байланысты, - деді Асқар Жұмағалиев.

Қазатомөнеркәсіп басшысы айтқандай, компанияға кәсіби мамандарды тарту мақсатында кадрлар қоры құрылды. Сондай-ақ, жақын жылдары қызметкерлер арасындағы техникалық мамандар үлесі артпақ. Кездесу қорытындысы бойынша Асқар Жұмағалиев барлық түлектерді ұлттық атом компаниясы жүйесінде жұмысқа орналастыруды құрылымдық бөлімшелер басшыларына тапсырды.

Қазіргі кезде «Қазатомөнеркәсіп» ҰАК» АҚ қаржысы есебінен Қазақстан мен Ресейдегі колледждер мен университеттерде 318 студент оқып жатыр. Олардың 17-сі МИФИ ҒЗЯУ-де жоғары білім алады. Компания студенттердің шәкіртақысын, оқу ақысын, жатақханадағы орнын және сақтандырғыш полисін төлейді. 2015 жылы Қазатомөнеркәсіп гранты арқылы атом саласы бойынша жетекші университетте тағы 5 студент оқитын болады.

 

«Қазатомөнеркәсіп» ҰАК» АҚ – Қазақстанның уран және оның қосындыларын, сирек металдар, атом электр стансаларына арналған ядролық отын, арнайы құрал-жабдықтар, технологиялар және екіұдай мақсаттағы материалдар экспортымен айналысатын ұлттық оператор. Компания қызметінің басты бағыттары геологиялық барлау, уран өндірісі, ядролық отын циклы өнімдерін өндіру, реактор жасау, АЭС құрылысы, конструкциялық материалдар өндірісі, энергетика, ғылыми зерттеу, әлеуметтік қамту және мамандар дайындау болып табылады. Қазатомөнеркәсіп сондай-ақ, Қазақстанда жаңартылатын энергетиканы дамыту бағдарламасының белсенді қатысушысы. Бүгінгі таңда компанияда 27 000-нан астам адам еңбек етеді. Қазатомөнеркәсіп әлемнің жетекші уран өндіруші компанияларының көшін бастап келеді.

www.kazatomprom.kz

Пікір қалдыру