Торонто қаласында (Канада) «Prospectors and Developers Association of Canada (PDAC) 2024» жыл сайынғы конференциясы аясында Қазақстан-Канада іскерлік кеңесінің 6-шы пленарлық отырысы өтті.
Қазақстан тарапынан іскерлік кеңестің тең төрағасы – «Қазатомөнеркәсіп» ҰАК» АҚ басқарма төрағасы Мейіржан Юсупов, Канада тарапынан – Cameco Corporation президенті Тим Гитцель.
Жалпы отырыс қарсаңында қаңтар және ақпан айларында тау-кен металлургия кешені, ауыл шаруашылығы және білім беру мәселелері бойынша 3 жұмыс тобының отырыстары өткізіліп, оларға 250-ден астам адам қатысты. Бұл отырыстарда екі елдің мемлекеттік құрылымдары мен бизнес өкілдері өзекті мәселелерді, оларды шешу жолдарын талқылады, өзара сауданы дамыту және инвестициялар тарту үшін ынтымақтастықтың басым бағыттары мен перспективалы жобаларды айқындады.
Пленарлық отырысқа канадалық және қазақстандық іскер топтардың атынан 150-ден астам адам қатысты. Іскерлік кеңес барысында энергетикалық қауіпсіздік, көміртегі бейтараптығына қол жеткізу жоспарлары, экологиялық, әлеуметтік және корпоративтік басқару, сауда, инвестициялар тарту, білім беру және тағы басқа мәселелер талқыланды.
Қазақстандық делегацияны Қазақстан Республикасының Өнеркәсіп және құрылыс министрі Қанат Шарлапаев, канадалық делегацияны Канаданың халықаралық даму министрі Ахмед Хусейн (Ahmed Hussen) басқарды.
Бірінші панельдік пікірталас аясында кеңестің тең төрағалары Мейіржан Юсупов пен Тим Гитцель өзара ынтымақтастық және уран өнеркәсібін одан әрі дамыту, энергетикалық қауіпсіздік пен экологиялық тұрақтылық мәселелерін талқылады.
Іс-шараның спикерлері ретінде сондай-ақ, «Kazakh Invest» ҰК» АҚ, Export Development Canada компаниясының және канадалық Альберта провинциясы үкіметінің өкілдері сөз сөйледі.
Жеке сессия Қазақстан Республикасының Ғылым және жоғары білім вице-министрі Дархан Ахмед-Заки Қазақстанның жоғары білімнің академиялық хабын құру жөніндегі жоспарларын ұсынған білім беру секторына арналды.
Сондай-ақ, іскерлік кеңес аясында Қазатомөнеркәсіп басшылығы канадалық серіктестермен және әлеуетті клиенттермен кездесулер өткізді.
Айта кету керек, Қазатомөнеркәсіп пен Cameco 1996 жылы Түркістан облысында «Инкай» бірлескен уран өндіруші кәсіпорнын құрудан басталған көпжылдық табысты ынтымақтастықты байланыстырады. Кәсіпорын өз қызметінің басынан бастап қауіпсіздік пен корпоративтік мәдениеттің үздік стандарттарын ұстана отырып, корпоративтік әлеуметтік жауапкершіліктің жоғары деңгейін көрсетіп келеді. Тек 2020-2022 жылдар кезеңінде «Инкай» БК» ЖШС 69 млн теңгеге жуық сомаға әлеуметтік сипаттағы жобаларды іске асырды, сондай-ақ өңірдің әлеуметтік-экономикалық дамуына деп Түркістан облысының бюджетіне 193 млн теңге аударды.
Қазақстан-Канада іскерлік кеңесі жұмыс бастағалы бері Қазақстан мен Канада арасындағы әріптестікті нығайту үшін тиімді алаңға айналды. Қазатомөнеркәсіп ынтымақтастық бағыттарын әртараптандыру және екі елдің экономикасын дамыту мақсатында осы жұмысты жалғастыра бермек.
Пленарлық отырыс Қазақстан мен Канада елшіліктерінің және Канада-Еуразия сауда палатасының (СЕСС) қолдауымен өтті.
Толығырақ ақпарат алу үшін хабарласуға болады:
Қоғаммен байланыс және БАҚ сауалдары бойынша
Асқар Атагулин, PR департаментінің директоры
Тел: +7 7172 45 80 63
Email: pr@kazatomprom.kz
Инвесторлармен өзара іс-қимыл бойынша
Ботагөз Молдағалиева, IR департаментінің директоры
Тел: +7 7172 45 81 80 / 69
Email: ir@kazatomprom.kz
Қазатомөнеркәсіп туралы
Қазатомөнеркәсіп – 2022 жылы әлемдік бастапқы уран өндірудің жиынтық көлемінен шамамен 22%-ы мөлшерінде компанияның қатысу үлесіне барабар табиғи уран өндіретін әлемдегі ең ірі уран өндіруші. Топтың саладағы ең ірі резервтік уран базасы бар. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулық сақтауды, өнеркәсіптік қауіпсіздікті және қоршаған ортаны қорғауды бақылаудың озық практикалары мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.
Қазатомөнеркәсіптің бағалы қағаздары Лондон қор биржасында, Astana International Exchange биржасында және Қазақстан қор биржасында орналастырылған. Қазатомөнеркәсіп – Қазақстан Республикасының Ұлттық атом компаниясы, топтың негізгі клиенттері - атом өндіруші қуаттардың операторлары, ал өнімдерге арналған негізгі экспорттық нарықтар – Қытай, Оңтүстік және Шығыс Азия, Солтүстік Америка және Еуропа. Топ уран мен уран өнімдерін жеткізуді ұзақ мерзімді және қысқа мерзімді келісімшарттар бойынша, бірлескен еншілес кәсіпорындардың екінші акционерлеріне қарай, споттық нарықта тікелей Қазақстанның Астана қаласында орналасқан корпоративтік орталығынан, сондай-ақ Швейцариядағы еншілес сауда компаниясы Тrading House KazakAtom (THK) арқылы жүзеге асырады.
Толық ақпарат біздің www.kazatomprom.kz интернет-ресурсымызда
Болашаққа қатысты мәлімдемелер
Аталмыш мәлімдемеге немесе құжатқа енгізілген тарихи фактілерден басқа барлық мәлімдемелер болашаққа қатысты мәлімдемелер болып табылады. Болашаққа қатысты мәлімдемелер Компанияның қаржылық жағдайына, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелерге «мақсат», «санаймыз», «күтілуде», «ниеттенеміз», «мүмкін», «болжаймыз», «бағалаймыз», «жоспар», «жоба», «болады», «болуы мүмкін», «ықтимал», «қажет», «болуы мүмкін» және ұқсас мағынадағы басқа сөздер мен терминдер немесе олардың жағымсыз формалары сияқты сөздер пайдаланылатын мәлімдемелер кіруі мүмкін, бірақ олармен шектелмейді.
Болашаққа қатысты мұндай мәлімдемелерге белгілі және белгісіз тәуекелдер, белгісіздіктер және Компанияға тәуелді емес басқа да маңызды факторлар кіреді, бұл Компанияның нақты нәтижелері, көрсеткіштері немесе жетістіктері болашаққа қатысты осындай мәлімдемелермен көрсетілген немесе болжанған күтілетін нәтижелерден, көрсеткіштерден немесе жетістіктерден айтарлықтай ерекшеленуі мүмкін болады. Болашаққа қатысты мұндай мәлімдемелер Компанияның қазіргі және болашақ бизнес-стратегиясына және оның болашақта жұмыс істейтін жағдайларына қатысты көптеген болжамдарға негізделген.
ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ, БОЛАШАҚТАҒЫ ОРЫН АЛАТЫН ОҚИҒАЛАР ЖАЙЫНДАҒЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ ОЛАРДЫҢ ЕШҚАЙСЫСЫН СЕНІМДІ ТҮРДЕ БОЛЖАП-БІЛУ МҮМКІН БОЛЫП ТАБЫЛМАЙТЫН ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛЕСТІК БЕЛГІСІЗДІККЕ ЖӘНЕ БАСҚА ШАРТТАСТЫҚТАРҒА ҰШЫРАЙДЫ. БОЛЖАМДАРДЫҢ ОРЫНДАЛАТЫНДЫҒЫНА ЕШҚАНДАЙ КЕПІЛДІК БОЛМАЙДЫ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ ЫҚТИМАЛ. КОМПАНИЯ - ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КЕҢЕСШІЛЕРІ ДЕ, АФФИЛИИРЛЕНГЕН ТҰЛҒАЛАРЫ ДА, ҚАНДАЙ ДА БІР ӨКІЛДЕРІ ДЕ, ЖОҒАРЫДА АТАЛҒАН ҮЛЕСТЕС ТҰЛҒАЛАРЫ ДА-АТАЛМЫШ ҚҰЖАТТА ҰСЫНЫЛҒАН БОЛЖАМДАРДЫҢ ДҰРЫСТЫҒЫ ҮШІН ЖАУАПКЕРШІЛІК АЛМАЙДЫ.
Аталмыш мәлімдемеде немесе құжатта қамтылған ақпарат, оның ішінде болашаққа қатысты мәлімдемелер, аталмыш құжаттың жасалған күніне қатысты ғана қолданылатын болады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, мұндай ақпараттың жаңғыртуларын немесе өзгерістерін тарату жөніндегі қандай да бір міндеттемелерден біржақты бас тартады және Компанияның болжамындағы өзгерістер, осындай мәліметтер негізделген оқиғалардағы, шарттардағы немесе жағдайлардағы өзгерістер нәтижесінде туындайтын ақпаратқа енгізілуі ықтимал қандай да бір өзгерістерді, болашаққа немесе аталмыш құжаттың жасалуы күнінен кейін туындайтын басқа да оқиғаларға немесе жағдайларға қатысты мәлімдемелерді жария түрде жарияламайды.