Фангчэнганг қаласындағы АЭС алаңында Өскемен қаласындағы «Үлбі-ЖБҚ» ЖШС Қазақстан-Қытай бірлескен кәсіпорнында дайындалған ядролық отын-жылу бөлетін құрамаларды (ЖБҚ) қабылдаудың салтанатты рәсімі өтті. Іс-шараға «Қазатомөнеркәсіп» ҰАК» АҚ («Қазатомөнеркәсіп» немесе «Компания»), «Үлбі металлургия зауыты» АҚ (ҮМЗ), «Үлбі-ЖБҚ» ЖШС, China General Nuclear Power Group (CGN) және CGNPC Uranium Resources Company Limited (CGNPC-URC) өкілдері қатысты.
Зауыт құрамында 30 тоннадан астам төмен байытылған уран бар ЖБҚ-дың кезекті партиясын жеткізуді жүзеге асырды. Жоғары технологиялық дайын өнім сапа бақылауынан сәтті өтіп, клиент қабылдады. ЖБҚ өндірісінде қазақстандық уран шикізатынан ҮМЗ-да дайындалған отын таблеткалары пайдаланылады. Реакторға отынды жоспарлы түрде жүктегеннен кейін Қытай тұтынушыларына электр энергиясын өндіру және жеткізу басталады. Екі жақты қатынастарды одан әрі дамытуға жаңа серпін берген маңызды жобаны іске асыру CGN-мен бірлескен атқарған жұмысының арқасында мүмкін болды.
«Біздің елдеріміз атом өнеркәсібі саласында көп жылдық ынтымақтастық тәжірибесіне ие. Қазатомөнеркәсіп және CGN өзара іс-қимылдың кең спектрі бар стратегиялық әріптестер болып табылады. Біз уран өндіру, отын таблеткаларын өндіру және жылу бөлетін құрамалар бойынша бірқатар табысты жобаларды жүзеге асырдық. Біз қазақстандық ядролық отын әлемдік климаттың өзгеруінің салдарын жұмсартуға және төмен көміртекті дамудың жаһандық мақсатына қол жеткізуге үлес қоса отырып, Қытайдың атом энергетикасының қажеттіліктерін қамтамасыз етуге мүмкіндік беретінін мақтан тұтамыз. Біздің ынтымақтастығымыздың арқасында Қазатомөнеркәсіп жаңа тәжірибе жинақтап, табиғи уран тотығын өндіруден бастап, отын түріндегі реакторға дейінгі ядролық отын циклінің түпкілікті өнімін шығаруға және сатуға дейінгі қызметтердің интеграцияланған пакетін жеткізуші болады»,-деп атап өтті Қазатомөнеркәсіптің Басқарма төрағасы Ержан Мұқанов.
«Бүгін Қазатомөнеркәсіп пен CGN корпорациясы үшін маңызды тарихи оқиға. Біз өз компанияларымыздың ядролық отын циклі саласындағы ынтымақтастығының өсіп келе жатқан серпінін қанағаттанушылықпен атап өтеміз. Біздің барлық жетістіктеріміз Қазақстан-Қытай командасының жемісті жұмысының нәтижесі болып табылады. Біз өзара тиімді әріптестіктің барлық бағыттарын нығайтуды және кеңейтуді жалғастыратынымызға сенімдімін. Осы жобаны табысты іске асыруға елеулі үлес қосқан барлық әріптестерімізге алғыс айтамыз», - деді салтанатты рәсімде Қазатомөнеркәсіптің ЯОЦ жөніндегі бас директоры Досболат Сарымсақов.
2024 жылы «Үлбі-ЖБҚ» жылына ЖБҚ түрінде 200 тонна уранды құрайтын толық өндірістік қуатқа шығу үшін өндіріс көлемін ұлғайтуды жоспарлап отыр. Зауытта 20 жыл бұрын кепілдендірілген сату нарығы бар. Инновациялық кәсіпорынның іске қосылуы Қазақстанның АЭС-ке арналған ядролық отын өндіруші және жеткізуші мемлекеттердің шектеулі тобына кіруіне мүмкіндік берді.
Бұған дейін хабарланғандай, Қытайдағы атом электр станциясындағы «Үлбі-ЖБҚ» ЖШС зауытынан жылу бөлетін жинақтардың бірінші партиясын жеткізу өткен жылдың желтоқсан айында жүзеге асырылды. Үстіміздегі жылдың соңына дейін Қазақстаннан Қытайға қосымша бірнеше ядролық отын партиясы жеткізіледі деп күтілуде.
«Бүгін біз ҚХР-ға қазақстандық зауыттан жылу бөлетін құрамаларды жеткізу кестесіне сәйкес және өнім сапасына қойылатын талаптарға сәйкес екінші рет жеткізуді қабылдап жатырмыз. Қытай атом саласын қарқынды дамытуда және атом энергиясының энергия балансындағы үлесін арттыруда. Біз ядролық қауіпсіздікке, тиісінше, ЖБҚ-ны атом станцияларына жеткізетін сапаға үлкен мән береміз, сондықтан Қазақстанда өндірілген ЖБҚ-ның кезекті партиясын сәтті қабылдап алғанымызға ерекше қуаныштымыз. Зауыттың өндірістік қуатқа шығуымен «Үлбі-ЖБҚ» ЖШС біздің электр станцияларымызды отынмен қамтамасыз етуде маңызды рөл атқаратын болады. Біз өз компанияларымыздың күш-жігерімен елдеріміз арасындағы ынтымақтастықты одан әрі тереңдету және кеңейту жөніндегі жұмыс жалғасатынына сенімдіміз»,-деп атап өтті өз сөзінде GGNPC-URC Директорлар кеңесінің төрағасы Ань Цзюньцзин.
Жұмыс сапары аясында қазақстандық делегация Янцзян қаласындағы Озық отын орталығы және АЭС жұмысымен танысты. Қазатомөнеркәсіптің бас директоры Досболат Сарымсақов пен CGNPC-URC Директорлар кеңесінің төрағасы Ань Цзюньцзиннің келіссөздері өтті. Тараптар екі жақты ынтымақтастықтың өзекті мәселелерін, соның ішінде зауыттың жобалық қуатқа шығу жөніндегі алдағы жоспарларын талқылады. Кездесу қорытындысы бойынша қатысушылар атом энергетикасын бейбіт мақсатта пайдалану саласындағы стратегиялық әріптестікті одан әрі дамыту және нығайту үшін екі елдің әлеуетін белсенді пайдалануға келісті.
Қосымша ақпарат алу үшін хабарласуға болады:
Инвесторлармен өзара іс-қимылға байланысты сұрақтар бойынша
Ерлан Магзумов, IR департаментінің директоры
Тел: +7 7172 45 81 80 / 69
E-mail: ir@kazatomprom.kz
Қоғаммен байланыс және БАҚ сұрақтары бойынша
Сабина Кумурбекова, PR департаментінің директоры
Ғажайып Күмісбек, PR департаментінің бас сарапшысы
Тел: +7 7172 45 80 22
E-mail: pr@kazatomprom.kz
Қазатомөнеркәсіп туралы
Қазатомөнеркәсіп - 2022 жылы әлемдік бастапқы уран өндірудің жиынтық көлемінен шамамен 22% мөлшерінде компанияның қатысу үлесіне барабар табиғи уран өндірген әлемдегі ең ірі уран өндіруші. Топтың саладағы ең ірі резервтік уран базасы бар. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулық сақтауды, өнеркәсіптік қауіпсіздікті және қоршаған ортаны қорғауды бақылаудың озық практикалары мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.
Қазатомөнеркәсіптің бағалы қағаздары Лондон қор биржасында, Astana International Exchange биржасында және Қазақстан қор биржасында орналастырылған. Қазатомөнеркәсіп Қазақстан Республикасының Ұлттық атом компаниясы болып табылады және топтың негізгі клиенттері - атом өндіруші қуаттардың операторлары, ал өнімдер үшін негізгі экспорттық нарықтар - Қытай, Оңтүстік және Шығыс Азия, Солтүстік Америка және Еуропа. Топ уран және уран өнімін жеткізуді ұзақ және қысқа мерзімді келісімшарттар бойынша, сондай-ақ споттық нарықта тікелей Астана қаласында орналасқан корпоративтік орталығынан немесе Швейцариядағы еншілес сауда компаниясы Тrading House KazakAtom (THK) арқылы жүзеге асырады.
Толық ақпарат біздің интернет-ресурсымызда: www.kazatomprom.kz
Болашаққа қатысты мәлімдемелер
Аталмыш мәлімдемеге немесе құжатқа енгізілген тарихи фактілерден басқа барлық мәлімдемелер болашаққа қатысты мәлімдемелер болып табылады. Болашаққа қатысты мәлімдемелер Компанияның қаржылық жағдайына, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелерге «мақсат», «санаймыз», «күтілуде», «ниеттенеміз», «мүмкін», «болжаймыз», «бағалаймыз», «жоспар», «жоба», «болады», «болуы мүмкін», «ықтимал», «қажет», «болуы мүмкін» және ұқсас мағынадағы басқа сөздер мен терминдер немесе олардың жағымсыз формалары сияқты сөздер пайдаланылатын мәлімдемелер кіруі мүмкін, бірақ олармен шектелмейді.
Болашаққа қатысты мұндай мәлімдемелерге белгілі және белгісіз тәуекелдер, белгісіздіктер және Компанияға тәуелді емес басқа да маңызды факторлар кіреді, бұл Компанияның нақты нәтижелері, көрсеткіштері немесе жетістіктері болашаққа қатысты осындай мәлімдемелермен көрсетілген немесе болжанған күтілетін нәтижелерден, көрсеткіштерден немесе жетістіктерден айтарлықтай ерекшеленуі мүмкін болады. Болашаққа қатысты мұндай мәлімдемелер Компанияның қазіргі және болашақ бизнес-стратегиясына және оның болашақта жұмыс істейтін жағдайларына қатысты көптеген болжамдарға негізделген.
ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ, БОЛАШАҚТАҒЫ ОРЫН АЛАТЫН ОҚИҒАЛАР ЖАЙЫНДАҒЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ ОЛАРДЫҢ ЕШҚАЙСЫСЫН СЕНІМДІ ТҮРДЕ БОЛЖАП-БІЛУ МҮМКІН БОЛЫП ТАБЫЛМАЙТЫН ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛЕСТІК БЕЛГІСІЗДІККЕ ЖӘНЕ БАСҚА ШАРТТАСТЫҚТАРҒА ҰШЫРАЙДЫ. БОЛЖАМДАРДЫҢ ОРЫНДАЛАТЫНДЫҒЫНА ЕШҚАНДАЙ КЕПІЛДІК БОЛМАЙДЫ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ ЫҚТИМАЛ. КОМПАНИЯ - ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КЕҢЕСШІЛЕРІ ДЕ, АФФИЛИИРЛЕНГЕН ТҰЛҒАЛАРЫ ДА, ҚАНДАЙ ДА БІР ӨКІЛДЕРІ ДЕ, ЖОҒАРЫДА АТАЛҒАН ҮЛЕСТЕС ТҰЛҒАЛАРЫ ДА-АТАЛМЫШ ҚҰЖАТТА ҰСЫНЫЛҒАН БОЛЖАМДАРДЫҢ ДҰРЫСТЫҒЫ ҮШІН ЖАУАПКЕРШІЛІК АЛМАЙДЫ.
Аталмыш мәлімдемеде немесе құжатта қамтылған ақпарат, оның ішінде болашаққа қатысты мәлімдемелер, аталмыш құжаттың жасалған күніне қатысты ғана қолданылатын болады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, мұндай ақпараттың жаңғыртуларын немесе өзгерістерін тарату жөніндегі қандай да бір міндеттемелерден біржақты бас тартады және Компанияның болжамындағы өзгерістер, осындай мәліметтер негізделген оқиғалардағы, шарттардағы немесе жағдайлардағы өзгерістер нәтижесінде туындайтын ақпаратқа енгізілуі ықтимал қандай да бір өзгерістерді, болашаққа немесе аталмыш құжаттың жасалуы күнінен кейін туындайтын басқа да оқиғаларға немесе жағдайларға қатысты мәлімдемелерді жария түрде жарияламайды.