Қазатомөнеркәсіптің әлеуметтік жобалары

27 мамыр
Қазатомөнеркәсіптің әлеуметтік жобалары

«Қазатомөнеркәсіп» ҰАК» АҚ өзі жұмыс жүргізетін өңірлердің әлеуметтік-экономикалық және инфрақұрылымдық дамуына, тұрғындарының өмір сүру сапасын арттыруға инвестиция салуды одан әрі жалғастыруда.

Атом холдингінің кәсіпорындары қатысатын өңірлерде әлеуметтік маңызды жобаларды іске асыру бойынша белсенді жұмыстар жүргізіліп жатыр.

«Игілікті Инкай» бағдарламасы аясында «Инкай» БК» ЖШС уран өндіруші кәсіпорны екі жобаны жүзеге асырды. Біріншісі – Тайқоңыр ауылының тұрғындарын қолжетімді интернетпен қамтамасыз ету жобасы. «KAP Technology» ЖШС мен ұялы байланыс операторының техникалық қолдауымен елді мекенде 3G-байланысы іске қосылып, мобильді интернет жылдамдығы екі есеге артты. Екінші жоба – «Тайқоңырға жедел көлік» деп аталады. 2020 жылдың ақпан айынан бастап апта сайын сейсенбі күндері «Инкай» бөлген автобус «Тайқоңыр-Шолаққорған-Тайқоңыр» бағыты бойынша қатынап, Тайқоңыр кентінің тұрғындарын Созақ ауданының әкімшілік орталығына тегін апарып-әкеледі.

Қазақстандағы Еріктілер жылы аясында «КБ-6» ЖШС-тің жас мамандары әлеуметтік қорғалмаған отбасыларға көмек көрсететін «Жомарт жандар» тобын құрды. Әлеуметтік дүкен жұмысы ұйымдастырылып, мұқтаждарға киім, аяқ киім және қажетті тұрмыстық заттарды тегін үлестіру жолға қойылды. Осы мақсатта адамдар көп шоғырланатын бірқатар қоғамдық орындарда тұрғындардан артық заттарын жинауға арналған жәшіктер орнатылды.

«ҮМЗ» АҚ қызметкерлері Өскемен қаласының балалар үйлеріндегі 23 жетім және ата-анасының қамқорлығынсыз қалған балаларға патронаттық тәрбие беруді жүзеге асырған. Кәсіпорын қызметкерлері балаларға әлеуметтік бейімделуге көмек көрсетіп, тәрбиеленушілердің «ҮМЗ» АҚ-да өтетін түрлі корпоративтік, мерекелік, спорттық және өзге де мәдени-көпшілік іс-шараларына қатысуын қамтамасыз етеді.

Жыл сайынғы «Мектепке жол» республикалық акциясы аясында Қазатомөнеркәсіп кәсіпорындарының ұжымдары аймақтардағы мұқтаж отбасыларға көмек көрсету үшін киім, аяқ киім, рюкзактар, кеңсе керек-жарақтарын сатып алуға ақшалай қаражат жинайды.

Үстіміздегі жылы Ақмола облысының Ақсу ауылдық округінде «Семізбай-U» ЖШС су тасқынынан қорғайтын 3 бөгетке құм төгіп, құрылыс салу жұмыстарын жүргізді.

2020 жылы атом холдингі оңтүстік өңірде бірқатар бастамаларды жүзеге асыруды жоспарлап отыр. Қазатомөнеркәсіп Түркістан облысының Созақ ауданында балалардың ойын алаңдарын салуға (Жартытөбе, Аққолтық, Бабата ауылдары), оқушыларды тасымалдау үшін шағын жолаушылар автобусын сатып алуға (Ақсүмбе ауылы), ауылдық клуб аумағын абаттандыруға (Тайқоңыр кенті), көшелердегі жарықтандыру шамдарын ауыстыруға (Тайқоңыр және Қыземшек кенттері) және Ұлы Жеңістің 75 жылдығына арналған монумент орнатылатын ҰОС ардагерлері аллеясын салуға (Бабата ауылы) ниетті.

Қызылорда облысының Жаңақорған және Шиелі аудандарында Компания көшелерді жарықтандыруға күрделі жөндеу жүргізуді және қайта жаңартуды, балалар ойын алаңын (Байкенже ауылы) салуды, сондай-ақ «Нәнсай» су бұру арнасы (Бала би ауылы) арқылы өтетін жаяу жүргіншілер көпірінің екі жағына құм жинауды (дамба салуды) жоспарлап отыр.

Жақын болашақта Қазатомөнеркәсіп өзі қатысатын өңірлерді әлеуметтік-экономикалық дамытуға бағытталған бірқатар әлеуметтік маңызы бар жобаларды қолға алатын болады, олардың ішінде жалпы пайдаланымдағы жолдарды, балалар ойын алаңдарын, спорт кешендерін салу және жөндеу, сондай-ақ елді мекендерді абаттандыру мен көгалдандыру бар.

Айта кету керек, 2020-2022 жылдары Компания Қызылорда облысында ұзындығы 4,8 км болатын автожол өткелі мен автомобиль жолын салуды жоспарлаған. Аталған жоба қауіпті жүк тасымалдайтын автокөліктің қауіпсіз қозғалысын қамтамасыз етуге, сондай-ақ инфрақұрылымды жақсартуға бағытталған.

 

Елімізде Төтенше жағдай жарияланған кезеңде Қазатомөнеркәсіп қызметкерлері Қазақстанда пандемияның таралуына қарсы күрес жүргізетін Нұр-Сұлтан мен Алматының медицина қызметкерлеріне бір күндік жалақысын аударды. Жиналған қаражат дәрігерлерді материалдық ынталандыруға, қажетті жабдықтар мен жеке қорғану құралдарын сатып алуға жұмсалды.

Қазатомөнеркәсіп өзінің әріптесі – француздың мемлекеттік Orano компаниясымен бірге «Катко» ЖШС (Катко) қазақстан-француз бірлескен кәсіпорны арқылы пандемиямен күрес жағдайында халықтың мұқтаж топтарын қолдау мақсатында Елбасы Нұрсұлтан Назарбаевтың бастамасымен құрылған Birgemiz қоғамдық қорына 50 миллион теңге аудару туралы шешім қабылдады. Сондай-ақ, Катко Түркістан облысы мен Шымкент қаласының ауруханаларына 100 миллион теңгеге 6 ИВЛ аппаратын сатып алды. Коронавирус ауруымен ауыратындарды емдеуге қажетті бұл медициналық жабдықтар АҚШ-тан жақын арада жеткізілмек.

Сондай-ақ, Қазатомөнеркәсіптің басқа кәсіпорындары да жергілікті халыққа (азық-түлік, бірінші кезекте қажетті заттар, бетперделер мен антисептиктер) және COVID-19 таралуына қарсы күреске қатысатын медицина қызметкерлеріне көмек көрсетіп келеді.

Осылайша, атом холдингінің кәсіпорындары әлеуметтік-экономикалық және инфрақұрылымдық даму, өз қызметкерлерінің, сондай-ақ уран өндіретін өңір тұрғындарының әл-ауқаты мен өмір сүру сапасын арттыру жөніндегі жобаларды жүзеге асыра отырып, ESG (экология, әлеуметтік жауапкершілік, басқару) қағидаттарын ұстануды жалғастыра береді.

 

Толығырақ ақпарат алу үшін хабарласыңыздар:

 

Инвесторлармен өзара іс-қимылға байланысты сұрақтар бойынша:

Кори Кос (Cory Kos), IR и PR департаментінің директоры

Тел: +7 7172 45 81 80

Email: ir@kazatomprom.kz

 

Қоғаммен байланыс және БАҚ сұрақтары бойынша: 

Торғын Мукаева, IR и PR департаменті директорының орынбасары

Тел: +7 7172 45 80 63

Email: pr@kazatomprom.kz

 

Осы хабарландырудың көшірмесі www.kazatomprom.kz сайтында қолжетімді болады.

 

Қазатомөнеркәсіп туралы

Қазатомөнеркәсіп – әлемдегі ең ірі уран өндіруші компания. 2019 жылы Компанияның қатысу үлесі негізінде табиғи уран өндірісі әлемдегі жиынтық уран өндірісінің шамамен 24% құрады. Топ саладағы аса ірі резервтік уран базасына ие. Қазатомөнеркәсіп еншілес, тәуелді және бірлескен кәсіпорындарымен бірге 24 учаскені игеретін 13 уран өндіруші кәсіпорынның басын біріктіреді. Уран өндіруші кәсіпорындар Қазақстан Республикасы аумағында орналасқан, сонымен қатар барлық кәсіпорындар жер асты ұңғымалы шаймалау (ЖҰШ) әдісін пайдаланады және денсаулық сақтауда, өнеркәсіптік қауіпсіздік пен қоршаған ортаны қорғауда алдыңғы қатарлы тәжірибелерді қолдануға басымдық беріледі.

Қазатомөнеркәсіптің бағалы қағаздары Лондон қор биржасында және «Астана» халықаралық қаржы орталығының биржасында орналастырылған. Қазатомөнеркәсіп Қазақстан Республикасының Ұлттық атом компаниясы саналады және Топтың негізгі клиенттері – атом өндіруші қуат операторлары, ал өнімдер үшін негізгі экспорттық нарық – Қытай, Оңтүстік және Шығыс Азия, Солтүстік Америка және Еуропа. Топ уран мен уран өнімдерін ұзақ мерзімді және қысқа мерзімді келісімшарттар бойынша, сондай-ақ спот нарығында тікелей Нұр-Сұлтан қаласында орналасқан бас кеңсе немесе Швейцариядағы Trading House KazakAtom (THK) еншілес кәсіпорны арқылы сатады.

Толық ақпарат біздің сайтымызда: http://www.kazatomprom.kz.

 

Келешекке қатысты мәлімдемелер

Осы хабарламаға немесе құжатқа енгізілген тарихи фактілерді қоспағанда, барлық мәлімдемелер болашаққа қатысты мәлімдеме болып табылады. Болашаққа қатысты мәлімдемелер компанияның қаржылық жай-күйіне, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелер басқалармен бірге «нысаналы көрсеткіш», «санау», «күту», «мақсат», «ниеттену», «мүмкін», «болжай білу», «есептеу», «жоспар», «болжау», «болады», «болуы мүмкін», «ықтимал», «тиіс», «болуы мүмкін» сияқты сөздер мен айналымдарды, сондай-ақ ұқсас мағынадағы басқа да сөздер мен ұғымдарды немесе мәлімдеме мәтініне дейін, мәтінінен кейін немесе мәтінінің ішінде тұруы мүмкін олардың теріс пішіндерін қамтуы ықтимал.

Болашаққа қатысты мұндай мәлімдемелер компанияға тәуелді емес белгілі және белгісіз тәуекелдерді, белгісіздіктерді және басқа да маңызды факторларды қамтиды, олар компанияның нақты нәтижелері, көрсеткіштері немесе жетістіктері болашақта қатысты осындай мәлімдемелермен көрсетілген немесе болжанатын күтілетін нәтижелерден, көрсеткіштерден немесе жетістіктерден айтарлықтай ерекшеленетін болады. Болашаққа қатысты мұндай мәлімдемелер компанияның қазіргі және болашақ бизнес-стратегиясына және болашақта жұмыс істейтін шарттарға қатысты көптеген болжамдарға негізделген.

ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ БОЛАШАҚ ОҚИҒАЛАР ТУРАЛЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛІ БЕЛГІСІЗДІККЕ ЖӘНЕ БАСҚА ДА ЖАҒДАЙЛАРҒА ҰШЫРАЙДЫ, ОЛАРДЫҢ ЕШҚАЙСЫСЫ СЕНІМДІЛІКПЕН БОЛЖАНА АЛМАЙДЫ ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС ЖЕРДЕ БОЛАДЫ. БОЛЖАМДАР ІСКЕ АСЫРЫЛАТЫНЫНА ЕШҚАНДАЙ КЕПІЛДІК БОЛА АЛМАЙДЫ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ МҮМКІН. КОМПАНИЯНЫҢ ЕШҚАЙСЫСЫ  ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КОНСУЛЬТАНТТАРЫ ДА, ҮЛЕСТЕС ТҰЛҒАЛАРЫ НЕМЕСЕ ЖОҒАРЫДА АТАЛҒАН ҚАНДАЙ ДА БІР ӨКІЛДЕРІ НЕМЕСЕ ҮЛЕСТЕС ТҰЛҒАЛАРЫ  ОСЫ ҚҰЖАТТА ҰСЫНЫЛҒАН БОЛЖАМДАРДЫҢ ДӘЛДІГІ ҮШІН ЖАУАПТЫ БОЛМАЙДЫ.

Осы хабарламада немесе құжатта қамтылған ақпарат, басқаларымен қатар болашаққа қатысты мәлімдемелерді қоса алғанда, осы құжаттың күні ғана қолданылады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, осындай ақпараттың жаңартуларын немесе өзгерістерін тарату жөніндегі қандай да бір міндеттемелерден бас тартады және ол компанияның күтулеріндегі өзгерістер, болашаққа қатысты осындай мәлімдемелер негізделген оқиғалар, шарттар немесе мән-жайлар нәтижесінде немесе осы құжаттың күнінен кейін туындайтын басқа да оқиғалар немесе мән-жайлар нәтижесінде туындайтын ақпаратқа енгізілуі мүмкін қандай да бір өзгерістерді көпшілік алдына шығармайды.

Пікір қалдыру