| (AIX)    KZT 18760   %   0.78 USD 40.17   %   -0.25

Акционерлердің кезектен тыс жалпы жиналысының дауыс беру нәтижелері

1 қараша 2023
Акционерлердің кезектен тыс жалпы жиналысының дауыс беру нәтижелері

«Қазатомөнеркәсіп» ұлттық атом компаниясы» АҚ (бұдан әрі – «Қазатомөнеркәсіп» немесе «Компания») Қазақстан Республикасы, Z05T1X3, Астана қаласы, Нұра ауданы, Сығанақ көшесі, 17/12 ғимарат, 3 қабат мекенжайы бойынша 2023 жылғы 1 қарашада жергілікті уақыт бойынша 10 сағат 30 минутта (GMT+6) өткен Акционерлердің кезектен тыс жалпы жиналысы (бұдан әрі – «АКЖЖ») отырысының күн тәртібіне енгізілген әрбір мәселе бойынша дауыс беру нәтижелері туралы хабарлайды.

АКЖЖ өткізу кезінде орналастырылған акциялардың жалпы саны 259 356 608 дананы құрады. 2023 жылғы 2 қазандағы жағдай бойынша акционерлердің тізіміне, сондай-ақ акционерлердің иелігіндегі номиналды ұстаудағы акциялардың меншік иелері туралы мәліметтерге сәйкес Компанияның дауыс беретін акцияларының жалпы саны - 213 851 518 дана. АКЖЖ-да Компанияның дауыс беретін акцияларының жалпы санының 99,21% құрайтын,  жиынтығында 212 157 493 қарапайым акцияны иеленетін акционерлері және олардың уәкілетті өкілдері дауыс берді.

АКЖЖ отырысының күн тәртібіне енгізілген әрбір мәселе бойынша акционерлер дауыс беріп, шешімдер қабылданды.

Шешімдер

Қарсы емес

%

Қарсы

%

Қалыс қалды

%

1.1 «Қазатомөнеркәсіп» ҰАК» АҚ акционерлерінің кезектен тыс жалпы жиналысының Төрағасын сайлау туралы.

212 157 493

100%

0

-

0

-

1.2 «Қазатомөнеркәсіп» ҰАК» АҚ акционерлерінің кезектен тыс жалпы жиналысының Хатшысын сайлау туралы.

132

100%

0

-

0

-

2. «Қазатомөнеркәсіп» ҰАК» АҚ акционерлерінің кезектен тыс жалпы жиналысының дауыс беру нысанын анықтау туралы.

212 157 493

100%

0

-

0

-

3. «Қазатомөнеркәсіп» ҰАК» АҚ акционерлерінің кезектен тыс жалпы жиналысының күн тәртібін бекіту туралы.

212 157 493

100%

0

-

0

-

4.      Нәтижесінде «Қазатомөнеркәсіп» ҰАК» АҚ  активтерінің баланстық құнының жалпы мөлшерінің елу пайызынан астамы сатып алынатын немесе иеліктен шығарылатын (сатып алынуы немесе иеліктен шығарылуы мүмкін) мәміле туралы шешім қабылданған күнге «Қазатомөнеркәсіп» ҰАК» АҚ активтерінің баланстық құнының жалпы мөлшерінің елу пайызынан астамын құрайтын  мүлікті сатып алатын немесе иеліктен шығаратын (сатып алуы немесе иеліктен шығаруы мүмкін) ірі мәміле, оның ішінде «State Nuclear Uranium Resource Development Company Limited» компаниясымен табиғи уран концентраттарын сатып алу-сатудың ұзақ мерзімді шарттарын жасау туралы.

198 471 688

93,55%

11 582 510

5,46%

2 103 295

0,99%

5. «Қазатомөнеркәсіп» ҰАК» АҚ директорлар кеңесінің құрамы туралы.

208 760 800

98,40%

2 553 168

1,20%

843 525

0,40%

Ірі мәміле жасау туралы

«Қазатомөнеркәсіп» ҰАК» АҚ мен «State Nuclear Uranium Resource Development Company Limited» (бұдан әрі – SNURDC) компаниясы арасында Қазатомөнеркәсіптің SNURDC компаниясының атына нарықтық жағдайларда U3O8 нысанында табиғи уран концентраттарын сату туралы уағдаластыққа қол жеткізілді. Мәселе АКЖЖ қарауына шығарылады, өйткені мәміленің құны SNURDC-пен бұрын жасалған мәмілелермен бірге Қазақстан Республикасы заңнамасының талаптарында белгіленгендей Компания активтерінің баланстық құнының (Компанияның жекелеген қаржылық есептілігі негізінде есептелген) жалпы мөлшерінің елу және одан да көп пайызын құрайды.

Ірі мәміле жасасу мәселесі бойынша АКЖЖ шақырудың бастамашысы Компанияның директорлар кеңесі болып табылады (2023 жылғы 28 қыркүйектегі № 11/23 хаттама).

Директорлар кеңесінің құрамы туралы

АКЖЖ шешімімен Қазатомөнеркәсіптің директорлар кеңесінің құрамына Компанияның басқарма төрағасы Мейіржан Юсупов сайланды.

2023 жылғы 28 қыркүйекте Қазатомөнеркәсіптің директорлар кеңесінің шешімімен Юсупов мырза Компанияның басқарма төрағасы болып тағайындалды. Юсупов мырза 2010 жылы Қазатомөнеркәсіпке келгенге дейін корпоративтік қаржы және қазынашылық департаментінің директоры болып қызмет атқарды. 2015-2020 жылдары Қазатомөнеркәсіпте экономика және қаржы жөніндегі бас директор лауазымын атқарды. Оның басшылығымен Компанияның шығындарын оңтайландыру, трансформациялау және цифрландыру бағдарламалары сәтті іске асырылды. Юсупов мырза Компанияны IPO-ға дайындау және шығару кезінде де маңызды рөл атқарды.

Сонымен қатар, АКЖЖ шешімімен Компанияның ірі акционері «Самұрық-Қазына» АҚ өкілі Ернар Жанәділ Компанияның директорлар кеңесінің құрамынан шығарылды және «Самұрық-Қазына» АҚ ұсынысымен Айдар Рысқұлов енгізілді. Рысқұлов мырза қазіргі уақытта экономика және қаржы жөніндегі басқарушы директор және «Самұрық-Қазына» АҚ басқарма мүшесі болып табылады.

Компанияның директорлар кеңесінің құрамындағы жоғарыда аталған өзгеріске байланысты Рысқұлов мырза Компанияның директорлар кеңесінің Стратегиялық жоспарлау және инвестиция жөніндегі комитетінің құрамына Жанәділ мырзаның орнына енгізілді.

Қазіргі уақытта Қазатомөнеркәсіптің директорлар кеңесінің құрамы төмендегідей:

  • Арман Арғынғазин – тәуелсіз директор, директорлар кеңесінің төрағасы;
  • Арманбай Жұбаев – тәуелсіз директор;
  • Нодир Сидиков – тәуелсіз директор;
  • Ернат Бердіғұлов – «Самұрық-Қазына» АҚ мүдделерінің өкілі;
  • Елжас Отыншиев – «Самұрық-Қазына» АҚ мүдделерінің өкілі;
  • Айдар Рысқұлов – «Самұрық-Қазына» АҚ мүдделерінің өкілі;
  • Мейіржан Юсупов – «Қазатомөнеркәсіп» ҰАК» АҚ басқарма төрағасы.

Компанияның директорлар кеңесінің сайланған мүшелерінің толық өмірбаяндары Компанияның www.kazatomprom.kz ресми интернет-ресурсында қолжетімді.

Егжей-тегжейлі ақпарат алу үшін хабарласуға болады:

Акционерлердің кезектен тыс жалпы жиналысының мәселелері бойынша

Әсем Мұхамедьярова, Корпоративтік хатшы

Тел: +7 7172 45 81 63

Email: amukhamedyarova@kazatomprom.kz

Инвесторлармен өзара іс-қимылға байланысты мәселелер бойынша

Ботагөз Молдағалиева, IR департаментінің директоры

Тел: +7 7172 45 81 80 / 69

Email: ir@kazatomprom.kz

Қоғаммен байланыс және БАҚ сауалдары мәселелері бойынша

Асқар Атагулин, PR департаментінің директоры

Тел: +7 7172 45 80 63

Email: pr@kazatomprom.kz

Осы хабарландырудың көшірмесін www.kazatomprom.kz алуға болады.

Қазатомөнеркәсіп туралы

Қазатомөнеркәсіп - 2022 жылы әлемдік бастапқы уран өндірудің жиынтық көлемінен шамамен 22%-ы мөлшерінде компанияның қатысу үлесіне барабар табиғи уран өндіретін әлемдегі ең ірі уран өндіруші. Топтың саладағы ең ірі резервтік уран базасы бар. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулық сақтауды, өнеркәсіптік қауіпсіздікті және қоршаған ортаны қорғауды бақылаудың озық практикалары мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.

Қазатомөнеркәсіптің бағалы қағаздары Лондон қор биржасында, Astana International Exchange биржасында және Қазақстан қор биржасында орналастырылған. Қазатомөнеркәсіп Қазақстан Республикасының Ұлттық атом компаниясы болып табылады және топтың негізгі клиенттері - атом өндіруші қуаттардың операторлары, ал өнімдер үшін негізгі экспорттық нарықтар - Қытай, Оңтүстік және Шығыс Азия, Солтүстік Америка және Еуропа. Топ уран және уран өнімін жеткізуді ұзақ және қысқа мерзімді келісімшарттар бойынша, сондай-ақ споттық нарықта тікелей Астана қаласында орналасқан корпоративтік орталығынан немесе Швейцариядағы еншілес сауда компаниясы Тrading House KazakAtom (THK) арқылы жүзеге асырады.

Қосымша ақпарат алу үшін біздің  www.kazatomprom.kz интернет-ресурсымызға кіріңіз.

Болашаққа қатысты мәлімдемелер

Осы хабарға немесе құжатқа енгізілген тарихи фактінің мәлімдемелерінен басқа барлық мәлімдемелер болашаққа қатысты мәлімдемелер болып табылады. Болашаққа қатысты мәлімдемелер компанияның қаржылық жағдайына, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы үміттері мен болжамдарын көрсетеді. Мұндай мәлімдемелерде «мақсат», «санаймыз», «күтіледі», «ниеттенеміз», «мүмкін», «болжаймыз», «бағалаймыз», «жоспар», «жоба», «болады» деген, бірақ олармен шектелмейтін, «болуы мүмкін», «мүмкін», «керек», «мүмкін» және ұқсас мағынадағы басқа сөздер мен терминдер немесе олардың теріс формалары сияқты сөздері бар  мәлімдемелер қолданылуы мүмкін.

Болашаққа қатысты мұндай мәлімдемелерге белгілі және белгісіз сын-қатерлер, белгісіздіктер және Компанияға байланысты емес басқа да маңызды факторлар кіреді, бұл Компанияның нақты нәтижелері, көрсеткіштері немесе жетістіктері болашаққа қатысты осындай мәлімдемелермен көрсетілген немесе болжанған күтілетін нәтижелерден, көрсеткіштерден немесе жетістіктерден айтарлықтай ерекшеленуі мүмкін. Болашаққа қатысты мұндай мәлімдемелер компанияның қазіргі және болашақ бизнес стратегиясына және оның болашақта жұмыс істейтін жағдайларына қатысты көптеген болжамдарға негізделген.

ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ БОЛАШАҚ ОҚИҒАЛАР ТУРАЛЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛЕСТІК БЕЛГІСІЗДІККЕ ЖӘНЕ БАСҚА КОНВЕНЦИЯЛАРҒА ҰШЫРАУҒА БЕЙІМ, ОЛАРДЫҢ ЕШҚАЙСЫСЫН СЕНІМДІ ТҮРДЕ БОЛЖАУ МҮМКІН ЕМЕС ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС. БОЛЖАМДАРДЫҢ ОРЫНДАЛАТЫНЫНА КЕПІЛДІК ЖОҚ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ МҮМКІН. КОМПАНИЯДА  ЕШКІМ - ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КЕҢЕСШІЛЕРІ ДЕ, ҮЛЕСТЕС ТҰЛҒАЛАРЫ ДА, ҚАНДАЙ ДА БІР ӨКІЛДЕРІ ДЕ, ЖОҒАРЫДА АТАЛҒАН ҮЛЕСТЕС ТҰЛҒАЛАРЫ ДА-ОСЫ ҚҰЖАТТА ҰСЫНЫЛҒАН БОЛЖАМДАРДЫҢ ДҰРЫСТЫҒЫНА ЖАУАП БЕРМЕЙДІ.

Болашаққа қатысты мәлімдемені қоса алғанда, осы хабарламада немесе құжатта қамтылған ақпарат осы құжаттың күніне ғана қолданылады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, осындай ақпараттың жаңартуларын немесе өзгерістерін тарату жөніндегі қандай да бір міндеттемелерден біржақты бас тартады және Компанияның күтулеріндегі өзгерістер, болашаққа қатысты осындай мәлімдемелер негізделген оқиғалардағы, шарттардағы немесе жағдайлардағы өзгерістер немесе осы құжаттың күнінен кейін туындайтын басқа да оқиғалар немесе мән-жайлар нәтижесінде туындайтын ақпаратқа ол енгізе алатын қандай да бір өзгерістерді ашық түрде жарияламайды.

Пікір қалдыру